'મધર ઈન્ડિયા'માં નરગીસ દત્તના ડમી તરીકેનું પાત્ર ભજવનાર ભીખીબહેન નાયકાએ કર્યું મતદાન

ભારતીય સિને જગતની પ્રતિષ્ઠિત અને લોકપ્રિય હિન્દી ફિલ્મ 'મધર ઈન્ડિયા'નું જયાં શુટીંગ થયું હતું. તેવા મહુવા તાલુકાના ઉમરા ગામના વતની અને ફિલ્મમાં નરગિસના ડમી તરીકે ફિલ્મમાં કામ કરનાર 85 વર્ષીય ભીખીબહેન ભાણાભાઈ નાયકાએ ઉમરાની સરકારી પ્રાથમિક શાળામાં 75 વર્ષની વયે મતદાન કર્યું હતું. દરેક ચૂંટણીમાં અચૂક મતદાન કરતા ભીખીબેન જણાવે છે કે, લોકશાહીના મહાપર્વમાં સૌ કોઈએ હંમેશા મતદાન કરવું જોઈએ અને જાગૃત્ત ભારતીય તરીકે મતદાનની ફરજ નિભાવવી જ જોઈએ.

• 85 વર્ષીય ભીખીબહેને વધુમાં વધુ મતદાન કરવાનો આપ્યો સંદેશ
• મધર ઇન્ડિયામાં નરગીસની ડમી તરીકે ભૂમિકા ભજવી હતી
• નરગીસ આગમાં દાઝી જતા તેમની જગ્યાએ ભીખીબેને રોલ કર્યો

સુરત : બારડોલીના મહુવા તાલુકાના 'મધર ઈન્ડિયા' તરીકે ઓળખાતા ભીખીબહેન કહે છે કે, મધર ઈન્ડિયાના શુટીંગ સમયે મારી ઉંમર 15થી 17 વર્ષની હતી. અમારા ગામની નજીકમાં શુટીંગ થયું હતું.

ભીખીબહેન નાયકાએ કર્યું મતદાન

આગના દ્રશ્યમાં નરગીસ દાઝી જતા ભીખીબેનની પસંદગી થઈફિલ્મમાં આગના દ્રશ્યના શુટીંગ સમયે અભિનેત્રી નરગીસ દત્ત આગમાં દાઝી જતા હોસ્પિટલમાં દાખલ કરવામાં આવ્યા હતા. જેથી ફિલ્મના નિર્માતા મહેબુબે નરગીસ જેવો ચહેરો હોય તેવી ગામની બહેનોને શુટિંગમાં લેવાની વાત કરી.

ભીખીબહેન નાયકાએ કર્યું મતદાન

ગામની 40 યુવતીઓમાંથી ભીખીબેનની પસંદગી
ઉમરા અને આસપાસના ગામની ચાલીસેક છોકરીઓમાંથી મારી પસંદગી કરવામાં આવી હતી. ફિલ્મમાં લગ્નના પ્રસંગમાં નરગીસની માતાની ભૂમિકા પણ ભીખીબહેને બખૂબીથી નિભાવી હતી. ભીખીબહેન ધોરણ 6 સુધી ભણ્યા છે. આજે પણ કોઈના સહારા વિના ઘરનું બધુ કામ જાતે કરે છે.