ઉત્તર ગુજરાત પ્રજાપતિ સમાજ દ્વારા સુરતના જહાંગીરપુરામાં 40માં વાર્ષિક સ્નેહમિલન સંમેલનનું આયોજન

સુરત: ઉત્તર ગુજરાત પ્રજાપતિ સમાજ દ્વારા જહાંગીરપુરા ખાતે 40માં વાર્ષિક સ્નેહમિલન સંમેલનનું આયોજન કરાયું હતું. જેમાં મોટી સંખ્યામાં સમાજના લોકોએ હાજરી આપી હતી. સાથે સમાજના એવા લોકો જેઓ ઉત્કૃષ્ટ કામગીરી અને સેવા આપી રહ્યાં છે, તેમનું સન્માન કરવામાં આવ્યું હતું.

સુરતના જહાંગીરપુરા ખાતે ઉત્તર ગુજરાત પ્રજાપતિ સમાજ દ્વારા 40માં વાર્ષિક સ્નેહમિલન કાર્યક્રમનું આયોજન કરવામાં આવ્યું હતું. દક્ષિણ ગુજરાત સહિત સુરતમાં વસતા ઉત્તર ગુજરાતના પ્રજાપતિ સમાજના લોકોને એકત્ર કરવાના ઉદ્દેશ્યથી ઉત્તર ગુજરાત પ્રજાપતિ સમાજ ટ્રસ્ટની રચના કરવામાં આવી હતી. જેને 40 વર્ષ થઈ ગયા છે.

સુરતના વિકાસમાં પ્રજાપતિ સમાજના લોકો પણ મોટું યોગદાન આપી રહ્યાં છે. આ વાર્ષિક સ્નેહમિલન કાર્યક્રમમાં સમાજના મોભીઓ હાજર રહ્યાં હતા અને સમાજનું નામ રોશન કરનાર લોકોને સન્માનિત પણ કરવામાં આવ્યા હતા. પ્રજાપતિ સમાજની દરેક જ્ઞાતિના લોકોએ મોટી સંખ્યામાં હાજરી આપી સ્નેહમિલન કાર્યક્રમને સફળ બનાવ્યો હતો.