વિજયનગર તાલુકાના વાંકડાં ગામમાં પરમાર મનુભાઈ ધીરાજીના બાજુના મકાનમાં 8 ફૂટ લાંબો અજગર મળી આવતા દોડધામ મચી હતી. જો કે, ગામમાં આવેલા અજગરને જોવા મોટી સંખ્યામાં સ્થાનિકો ઉમટી પડયા હતા.
સાબરકાંઠાના વિજયનગરમાંથી અજગર ઝડપાયો
આ અંગે વનવિભાગને જાણ કરાતા વન અધિકારીઓ ઘટનાસ્થળે દોડી આવી અજગરને પકડ્યો હતો. આ વિસ્તારમાં ત્રીજીવાર અજગર પકડાતા સ્થાનિકોમાં ભયનો માહોલ સર્જાયો હતો. વનવિભાગે અજગરને પકડવા માટે સ્થાનિક લોકોની મદદ મેળવી હતી. અજગર હાથમાં આવ્યા પછી જંગલખાતા દ્વારા તેને સલામત સ્થળે ખસેડવાની તજવીજ હાથ ધરાઈ હતી. અજગરને પકડાય ગયા બાદ ગામના લોકોએ રાહતનો શ્વાસ લીધો હતો.
