- સાબરકાંઠાના પોશિનાના દંત્રાલ ગામે હિંસક અથડામણ
- સ્થાનિક સરપંચના અવિશ્વાસ પ્રસ્તાવ મામલે 2 જૂથ વચ્ચે પથ્થરમારો
- 2 વ્યક્તિઓ ઘાયલ પોલીસના 3 રાઉન્ડ ફાયર
સાબરકાંઠાઃ જિલ્લાના પોશીના વિસ્તારના દંત્રાલ ગામે આજે સ્થાનિક સરપંચ વિરુદ્ધ અવિશ્વાસની દરખાસ્ત મામલે 2 જૂથ વચ્ચે હિંસક અથડામણ સર્જાઇ હતી જેમાં 2 વ્યક્તિઓ ઘાયલ થયા હતા. તેમજ પોલીસે 3 રાઉન્ડ ફાયર કરી સમગ્ર સ્થિતિને કાબુમાં લીધી હતી.
અવિશ્વાસના પ્રસ્તાવો મામલે બે જૂથ વચ્ચે અથડામણ
સાબરકાંઠાના પોશીના પંથકમાં આજે દંત્રાલ ગ્રામ પંચાયતમાં અવિશ્વાસના પ્રસ્તાવો મામલે બે જૂથ વચ્ચે અથડામણ સર્જાઇ હતી. જેમાં સામસામે પથ્થરમારો થયો હતો જે અંતર્ગત 2 લોકોને ગંભીર ઈજાઓ પહોંચી હતી. તેમજ પોલીસે ત્રણ રાઉન્ડ ફાયર કરી ટીયરગેસના સેલ છોડતા સમગ્ર મામલો કાબુમાં લેવામાં આવ્યો હતો. હિંસક અથડામણને કાબુમાં લેવા માટે પોશીના ખેડબ્રહ્મા સહિતની પોલીસનું પૂર્ણ બંદોબસ્ત કામે લાગતા પરિસ્થિતિ હાલ પૂરતી થાડે પડી હતી. ગ્રામ પંચાયતના સરપંચ વિરુદ્ધ અવિશ્વાસનો પ્રસ્તાવને પગલે સ્થિતિ અચાનક વણસી હતી. તેમજ સામસામે પથ્થરમારો શરૂ થતાં સ્થાનિક ગ્રામજનોમાં 2 યુવકોને ગંભીર ઈજાઓ પહોંચી હતી. પોલીસે આ મામલે તાત્કાલિક ગંભીરતા દાખવી આસપાસના પોલીસ મથકોની પોલીસ બોલાવવામાં આવી હતી અને હાલમાં સમગ્ર ગામમાં સંપૂર્ણ શાંતિનો માહોલ છવાયો હતો.
અવિશ્વાસ પ્રસ્તાવ મામલે હુમલો
પોશીના તાલુકાના દંત્રાલ ગામે સ્થાનિક સરપંચ સામે અવિશ્વાસનો પ્રસ્તાવ થયાના પગલે આજે મામલતદાર તેમજ પોલીસ અને પ્રાંત અધિકારીના અધ્યક્ષ સ્થાને મિટીંગ મળી હતી. સામાન્ય બાબતે અચાનક વિરોધાભાસ કરતા 2 જૂથો વચ્ચે પથ્થરમારો સર્જાયો હતો. જેમાં 2 વ્યક્તિઓને ગંભીર ઈજાઓ પહોંચી હતી. જે તમામને સારવાર માટે સિવિલ હોસ્પિટલ ખસેડવામાં આવયા હતા.
પોશીના દંત્રાલ ગામે હિંસક અથડામણ સર્જાઇ
પોશીના દંત્રાલ ગામે અચાનક ઊભી થયેલી પરિસ્થિતિ હિંસક સ્વરૂપ ધારણ કરી લેતાં પોલીસે ત્રણ રાઉન્ડ હવામાં ફાયરિંગ કર્યું હતું. જેનાથી સ્થિતિ કાબુમાં ન આવતા છેવટે ટીયરગેસના સેલ છોડી પરિસ્થિતિ કાબુમાં કરી લેવાઈ હતી. હાલમાં સમગ્ર પરિસ્થિતિ કાબૂ હેઠળ છે. દિનપ્રતિદિન વનવાસી તેમજ આદિવાસી વિસ્તારમાં વધતાં જતાં પોલીસ સામે ના હુમલા આગામી સમયમાં સુરક્ષા તંત્ર માટે પણ ખતરા રૂપ સાબિત થઈ રહ્યા છે, ત્યારે આ મામલે વહીવટીતંત્ર દ્વારા ચોક્કસ નિર્ણય લેવાય તે જરૂરી છે. જોકે આગામી સમયમાં કેટલા પગલાં લેવાશે તે તો સમય જ બતાવશે.
