ગોંડલના વાછરા ગામે બોથડ પદાર્થના ઘા મારી મહિલાની કરાઈ હત્યા

રાજકોટઃ ગોંડલ તાલુકાના વાછરા ગામે મજૂરી કામ કરતી મહિલાની હત્યા કરાયેલી હાલતમાં મૃતદેહ મળી આવ્યો હતો. આ ધટનાની જાણ થતા તાલુકા પોલીસે ઘટનાસ્થળે દોડી જઈ તપાસ હાથ ધરી હતી.

ગોંડલ તાલુકાના વાછરા ગામે રહેતા અને મજૂરીકામ તેમજ ભંગાર વીણવાનું કામ કરતા વાલીબેન મનસુખભાઈ મકવાણા ઉમર વર્ષ 55 સવારના ગોંડલ સીમ રોડ પર લાકડા વીણવા ગયા બાદ મોડી સાંજ સુધી ઘરે પરત ન ફરતા પરિવારજનોએ તપાસ હાથ ધરી હતી. તે દરમિયાન રોડ પર હત્યા કરાયેલી હાલતમાં તેઓનો મૃતદેહ મળી આવતા તાલુકા પોલીસને જાણ કરાતા પોલીસે ઘટનાસ્થળે દોડી જઈ વધુ તપાસ હાથ ધરી હતી. સાથે માનવ સેવા ટ્રસ્ટના પ્રમુખ પ્રફુલભાઈ રાજગુરુ પણ એમ્બ્યુલન્સ લઇ પહોંચી ગયા હતા.