કલ્કિ અવતારના ઘરે પહોંચ્યું વિજ્ઞાન જાથા, માનસિક રોગી ગણાવ્યો

રાજકોટમાં પોતાને ભગવાન વિષ્ણુનો દસમો કલ્કિ અવતાર માનનારા રમેશચંદ્ર ફેફર તાજેતરમાં જ એક પત્ર લખીને વિવાદમાં આવ્યા હતા. જેને લઈને આજે બુધવારે રાજકોટ વિજ્ઞાન જાથા પોલીસની ટીમ સાથે તેમના કાલાવડ રોડ ખાતે આવેલા નિવાસસ્થાને પહોંચ્યું હતું. કલ્કિ અવતાર ખરેખરમાં ભગવાન વિષ્ણુનો અવતાર હોય તેના પુરાવા માગ્યા હતા. જોકે, પોલીસ સાથે વિજ્ઞાન જાથાની ટીમ ઘરે આવતા જ રમેશચંદ્ર ફેફરે પોતાના ઘરના દરવાજા બંધ કરી કરી દીધા હતા. જ્યારે વિજ્ઞાન જાથાના જયંત પંડ્યાને રમેશ ચંદ્ર વચ્ચે શાબ્દિક બોલાચાલી પણ જોવા મળી હતી.

• અંધશ્રદ્ધાને દૂર કરવાનું કામ વિજ્ઞાન જાથા દ્વારા કરાય
• વિજ્ઞાન જાથાની ટીમ આજે પોલીસ સાથે રમેશચંદ્રના નિવાસ્થાને પહોંચી
• કલ્કિ અવતારના ઘરે પહોંચ્યું વિજ્ઞાન જાથા, માનસિક રોગી ગણાવ્યો

રાજકોટ : સમાજમાં અંધશ્રદ્ધાને દૂર કરવાનું કામ વિજ્ઞાન જાથા દ્વારા કરવામાં આવે છે. સરકારી નિવૃત અધિકારી એવા રમેશચંદ્ર ફેફરે પોતાને ભગવાન વિષ્ણુનો દસમો કલ્કિ અવતાર ગણાવ્યો છે. જેને લઈને વિજ્ઞાન જાથાની ટીમ આજે બુધવારે પોલીસ સાથે રમેશચંદ્રના નિવાસ્થાને પહોંચી હતી. જ્યાં રમેશચંદ્ર પોતે ભગવાન વિષ્ણુનો અવતાર હોય તો તેના પુરાવા આપવાની માંગ કરી હતી. રમેશચંદ્રે આ અંગે વિજ્ઞાન જાથાની ટીમ સાથે ચર્ચા કરવાને બદલે તેના ઘરના દરવાજા બંધ કરી દીધા હતા અને ઘરમાં જ પુરાઈ ગયા હતા. જ્યારે વિજ્ઞાન જાથાના જયંત પંડ્યા અને રમેશચંદ્ર વચ્ચે થોડા સમય માટે ઉગ્ર બોલાચાલી જોવા મળી હતી.

કલ્કિ અવતારના ઘરે પહોંચ્યું વિજ્ઞાન જાથા

વિજ્ઞાન જાથાએ કલ્કિ અવતારને માનસિક રોગી ગણાવ્યો

વિજ્ઞાન જાથાના જયંત પંડ્યાએ રમેશચંદ્ર ફેફરને માનસિક રોગી ગણાવ્યો હતો. પોલીસની ટીમ સાથે તેઓ રમેશચંદ્રના ઘરે પહોંચ્યા હતા. જ્યારે વિજ્ઞાનજાથા એવી માંગ કરી છે કે, રમેશચંદ્રને તાત્કાલિક મનોચિકિત્સકની સારવારની જરૂરી છે. તેમની પોલીસ દ્વારા ધરપકડ કરીને ત્યારબાદ તેમને સારવાર અર્થે દવાખામાં ખસેડવામાં આવે. આ સાથે જ જયેશ પંડ્યા દ્વારા જણાવવામાં આવ્યું હતું કે, રમેશચંદ્ર દ્વારા જે પ્રકારના નિવેદનો કરવામાં આવી રહ્યા છે. તેને લઈને લાગી રહયુ છે કે, તેઓ હાલ માનસિક રોગી છે. તેમજ તેઓ ભગવાન વિશેના આવા બેફામ વાણી વિલાસના કારણે સમાજમાં ભયનો માહોલ ઉભો કરી રહ્યા છે.

કલ્કિ અવતારના ઘરે પહોંચ્યું વિજ્ઞાન જાથા

વર્ષ 2017માં ભગવાન વિષ્ણુનો કલ્કિ અવતાર ગણાવ્યો

વર્ષ 2017માં પોતાને ભગવાન વિષ્ણુનો 10મો અવતાર અને કલ્કિ અવતાર ગણાવનાર રમેશચંદ્ર ફેફર ફરી વિવાદમાં આવ્યા છે. તેઓ રાજકોટના કાલાવડ રોડ ઉપર આવેલા પોતાના નિવાસસ્થાને નિવૃત્ત જીવન ગાળી રહ્યા છે. જ્યારે તેઓ દ્વારા નર્મદા જળસંપત્તિ પાણી પુરવઠા અને કલ્પસર વિભાગના સચિવને પત્ર લખવામાં આવ્યો છે.

કલ્કિ અવતારના ઘરે પહોંચ્યું વિજ્ઞાન જાથા

સરકાર દ્વારા વર્ક ફ્રોમ હોમ કરનારા લોકોને પગાર આપ્યો તો તેમને પણ પગાર આપે

રમેશચંદ્ર દ્વારા માંગ કરવામાં આવી છે કે, તેમનો છેલ્લા એક વર્ષનો બાકી રહેતો રૂપિયા 16 લાખ પગાર અને રૂપિયા 16 લાખ ગ્રેચ્યુટી આપવામાં આવે છે. તેમજ એક વર્ષમાં તેમના દ્વારા કોરોના કાળમાં વર્ક ફ્રોમ હોમ એટલે કે ઘરેથી કામ કરવામાં આવ્યું છે. જ્યારે કોરોના કાળમાં સરકાર દ્વારા વર્ક ફ્રોમ હોમ (Work From Home) કરનારા લોકોને પણ પગાર આપ્યો છે. તો તેમને પણ આ પગાર આપવામાં આવે.