રાજકોટ જિલ્લામાં 895 જેટલી માધ્યમિક અને ઉચ્ચતર માધ્યમિક શાળાઓ ફરી શરૂ

કોરોના સંક્રમણના કારણે સમગ્ર રાજ્યમાં છેલ્લા 10 મહિનાથી બંધ સ્કુલોને ફરી શરૂ કરવામાં આવી છે. ધોરણ 10 અને 12ના વર્ગોને શરૂ કરવાનો રાજ્ય સરકારે નિર્ણય કર્યો છે. ત્યારે સમગ્ર રાજ્યમાં શાળાઓમાં પ્રથમ દિવસે વિદ્યાર્થીઓની પાંખી હાજરી જોવા મળી હતી.

• રાજકોટ જિલ્લામાં 895 જેટલી માધ્યમિક અને ઉચ્ચતર માધ્યમિક શાળાઓ ખુલ્લી
• કોરાનાનું સંક્રમણ અટકાવવા જરૂરી તકેદારી માટે 56 કર્મયોગીઓની 28 ટીમ બનાવાઇ
• કોઈ વિદ્યાર્થી કે શિક્ષકમાં કોરોનાના લક્ષણો જણાય તો સત્વરે નજીકના આરોગ્ય કેન્દ્રનો સંપર્ક કરવાનો રહેશે
  

રાજકોટઃ રાજકોટ જિલ્લામાં કુલ 895 જેટલી માધ્યમિક અને ઉચ્ચતર માધ્યમિક શાળાઓ ફરી શરૂ કરવામાં આવી છે. જેમાં રાજકોટ જિલ્લાની કુલ 48 સરકારી શાળા, 242 જેટલી ગ્રાન્ટેડ શાળા તથા 605 જેટલી ખાનગી શાળાઓનો સમાવેશ થાય છે. જેમાં ધો. 10ના અંદાજિત 48,000 અને ધો.12 ના અંદાજિત 40,000 જેટલા જ વિદ્યાર્થીઓ પૈકી જેટલા વિદ્યાર્થીઓને વાલીની સંમતી મળી તેઓને જ શાળાએથી અભ્યાસ કરાવવામાં આવશે.જે વિદ્યાર્થીઓને વાલી તરફથી શાળાએ અભ્યાસ કરવાની મંજુરી આપવામાં નહીં આવે તેને માટે સમાંતર શિક્ષણ વ્યવસ્થા સમી ઓનલાઈન વ્યવસ્થા કરવામાં આવશે.

અલગ અલગ ટિમો દ્વારા નિયમીત રીતે ચેકીંગ પણ કરવામાં આવશેશાળા શરૂ કરવામાં આવતાની સાથે જ શાળામાં પ્રવેશ અભ્યાસ તથા શાળા છુટતી વખતે સોશિયલ ડિસ્ટન્સીંગ, માસ્ક તથા સેનેટાઈઝેશનની પુરતી વ્યવસ્થા કરવામાં આવી છે. તમામ શાળાઓમાં થર્મલ ગન વડે શિક્ષકો અને વિદ્યાર્થીઓની ચકાસણી કરવામાં આવે છે. જિલ્લાની તમામ સ્કુલોના ચેકીંગ માટે બે વ્યક્તિઓની કુલ 28 ટીમ એમ 56 લોકોની ટીમ બનાવવામાં આવી છે, જેમના દ્વારા જિલ્લાની સ્કુલોમાં સોશિયલ ડિસ્ટન્સીંગ, માસ્ક તથા સેનેટાઈઝેશનની પુરતી વ્યવસ્થા જળવાય તેનું ધ્યાન રાખવામાં આવશે.