વિદેશી દારૂની બદીને નાથવા પોલીસતંત્ર દ્વારા કમર કસવામાં આવી છે. ત્યારે ગોમટા ચોકડી પાસે રાજકોટ એલસીબી પોલીસે વિદેશી દારૂ ભરેલા એક ટ્રકને પકડી પાડયો હતો અને રૂપિયા 40 લાખના મુદ્દામાલ સાથે ચાર શખ્સોની ધરપકડ કરી કાર્યવાહી હાથ ધરી હતી.
ઉપરોક્ત દારૂની હેરાફેરીમાં ટ્રક ચાલક ગણપતલાલ લાલારામ બિશનોઈ (રહે રાજસ્થાન) દલપત કુમાર ફલગુરામ બિશનોઈ (રહે રાજસ્થાન) તેમજ ટ્રકને પાયલોટિંગ કરતા પવનકુમાર મહેન્દ્ર જાટ અને દેવેન્દ્ર ઉર્ફે ધીરુ મોહનરામ ડુંકિયા ની ધરપકડ કરી કાર્યવાહી હાથ ધરી હતી. ઉપરોક્ત વિદેશી દારૂનો જથ્થો સુરેશ રાજસ્થાની અને પંકજ હરિયાણી મોકલ્યાનો આરોપીઓએ પોલીસ સમક્ષ કબુલ્યું હતું.
