હાલ સમગ્ર દેશમાં ચૂંટણીનો માહોલ છે, ત્યારે નાના મોટા પક્ષો પોત પોતાના ચૂંટણી પ્રચારમાં વ્યસ્ત છે. બીજી તરફ પક્ષો દ્વારા એકબીજા પર આક્ષેપો કરવામાં આવી રહ્યા છે. જેને લઈને રાજકોટમાં પાસ કન્વીનર હેમાંગ પટેલ દ્વારા રાજકોટ લોકસભા બેઠક જીતવા માટે ભાજપ ગામડે ગામડે રહેતા પાસના આગેવાનો અને કાર્યકર્તાઓને રૂપિયા અને મોબાઇલ સહિતની વસ્તુઓ આપીને ભાજપમાં ભેળવી રહ્યાનો આક્ષેપ કર્યો છે.
પાસ કન્વીનર હેમાંગ પટેલ તથા ભાજપ પ્રવક્તા રાજુ ધ્રુવ
જેને લઈ ભાજપ પ્રવક્તા રાજુ ધ્રુવે આ અંગે પ્રતિક્રિયા આપતા કહ્યું કે, કોંગ્રેસે પાસ નેતા હાર્દિક પટેલને હેલિકોપ્ટર આપ્યું છે. જે લોકો સામાન્ય વાહનમાં બેસવામાં વિચારતા હતા તે લોકો આજે હેલિકોપ્ટરમાં ફરી રહ્યા છે. આ સાથે જ રાજુધ્રુવે કોંગ્રેસ અને પાસ પર આકરા પ્રહારો કર્યા હતા.
