રાજકોટ: શહેરના માંડવી ચોકમાં આવેલા જૈન દેરાસરમાં રોકડ રકમની ચોરી થયાની ઘટના સામે આવી હતી. પોલીસ તપાસ કરતા, ઘટનાના CCTV વીડિયો પણ બહાર આવ્યા હતા. જેમાં પોલીસે મંદિરમાં પૂજારી તરીકે નોકરી કરતા જયેશ મોહનજીવા બારીયા નામના ઇસમની આગવી ઢબે પૂછપરછ કરતા તેણે જ દેરાસરમાં આવેલા મણીભદ્ર દાદાના મંદિરમાંથી અંદાજીત 46,810 રોકડ રૂપિયાની ઉઠાંતરી કરી હોવાનું સામે આવ્યું હતું.
ઉલ્લેખનીય છે કે, ચોરી દરમિયાન પૂજારીએ PPE કીટ નહીં પરંતુ કોટ પહેરીને ચોરી કરી હોવાની કબૂલાત આપી હતી. રાજકોટમાં જૈન દેરસરમાં ચોરી થયાના CCTV ફૂટેજ વાયરલ થયા બાદ પોલીસ દ્વારા આ મામલે તાત્કાલિક કાર્યવાહી કરવામાં આવી હતી.
