જસાપરમાં બનાવાયેલ પેટા આરોગ્ય કેન્દ્ર 100 ચો.મીટર જેટલી જગ્યામાં બનાવાયું છે. જેને બનાવવાનો 20 લાખ રૂપિયા ખર્ચ કરાયો છે. આ પેટાકેન્દ્ર સંપૂર્ણ સુવિધા યુક્ત બનાવાયું છે.
આરોગ્ય કેન્દ્રમાં લેબર રૂમ, એક્ઝામીન ટેબલ, વોટર ક્લોરિનેશન, દવાઓ અને રસીકરણની સુવિધા, માહિતી-શિક્ષણ પ્રત્યાયનો ઉપયોગ કરીને જનજાગૃતતા ફેલાવવા માટેની સુવિધાઓ રાજ્ય સરકાર દ્વારા જનહિતાર્થે ઉપલ્બ્ધ કરાવાઈ છે. જેનો લાભ જસાપર ગામની 3000ની વસ્તી ઉપરાંત આસપાસના 8 ગામના લોકોને મળનાર છે.
આ પેટાકેન્દ્રનું કેબિનેટ પ્રધાન કુંવરજી બાવળિયાએ ઉદ્ઘાટન કર્યું હતુ, આ પ્રસંગે તેમણે જણાવ્યું હતુ કે છેવાડાના માનવીને આરોગ્ય વિષયક સુવિધા યુક્ત બનાવાયું છે.
આરોગ્ય વિષયક સુવિધા લોકોને ઘર આંગણે પહોંચાડવા સરકાર કાર્યરત છે. જસદણ-વિછીંયા તાલુકાના વિવિધ વિસ્તારોમાં આરોગ્યની સુવિધાઓ વિકસાવવા મહત્તમ સબ આરોગ્ય કેન્દ્ર,પેટા આરોગ્ય કેન્દ્રો વિકસાવવામાં આવ્યા છે.
