રાજકોટ: ગોંડલ માર્કેટ યાર્ડમાં CCI દ્વારા કપાસની ખરીદી કરવામાં આવશે

રાજકોટ જિલ્લાના ગોંડલ માર્કેટયાર્ડમાં આગામી દિવસોમાં કપાસની ખરીદી શરુ કરવામાં આવશે. માર્કેટયાર્ડમાંથી CCI દ્વારા 1 હજારથી વધુના ભાવે કપાસની ખરીદી કરવામાં આવશે.

• ગોંડલ માર્કેટયાર્ડમાં થશે કપાસની ખરીદીની શરુઆત
• CCI દ્વારા 20 કિલો કપાસની 1,155 રુપિયાના ભાવે ખરીદી થશે
• માર્કેટયાર્ડની ખુલ્લી હરાજીમાંથી થશે ખરીદી

રાજકોટઃ સૌરાષ્ટ્રના નંબર વન ગણાતા ગોંડલ માર્કેટયાર્ડમાં આગામી દિવસોમાં એટલે કે એક બે દિવસમાં CCI દ્વારા સરકારની ટેકાના ભાવે કપાસની ખરીદી કરવાની શરુઆત થશે. માર્કેટયાર્ડના ચેરમેન ગોપાલ શીંગાળા સહિતના યાર્ડ સતાધીશોને CCIના અધિકારીઓ સાથે વાતચીત હતી. યાર્ડના ચેરમેનની સાથે CCIના અધિકારીઓ સાથે થયેલી ટેલિફોનિક વાતચીત મુજબ CCI દ્વારા ગોંડલ માર્કેટયાર્ડમાંથી 20 કિલો કપાસના રૂપિયા 1155/- ના ભાવે ખરીદ કરવાનું નક્કી થયુ છે.

ખેડૂતોની રજીસ્ટ્રેશન પ્રથા નાબૂદCCI દ્વારા કપાસની ખરીદી માર્કેટયાર્ડની ખુલ્લી હરાજીમાંથી કરવામાં આવે છે. ત્યારે ખેડૂતોએ કપાસના વહેંચાણ માટે 7/12, 8- અ'ના દાખલામાં કપાસનું વાવેતર કોમ્પ્યુટરાઈઝ, આધાર કાર્ડ, કેન્સલ ચેક અથવા બેંક પાસ બુકની ઝેરોક્ષ સાથે લાવવાની રહેશે. તેમજ ગોંડલ માર્કેટયાર્ડમાં જ ખેડૂતોને કપાસના પોષણક્ષમ ભાવો મળતા હોવાથી વહેંવાનો આગ્રહ રાખે છે. વધુમાં જણાવ્યુ કે, ગામડે વહેંચાણ કરતા ખેડૂતો તોલમાં છેતરાય નહી.