રંગીલા રાજકોટમાં બુટલેગરોને જાણે કોઈ ડર જ ન હોય તેમ બેફામ વિદેશી દારૂની હેરાફેરી કરી રહ્યા છે. ત્યારે હવે વિદેશી દારૂની હેરાફેરી રિક્ષામાં થતી હોવાની ઘટના સામે આવી છે. રાજકોટના હાર્દ સમા કાલાવડ રોડ પર એક રિક્ષામાં વિદેશી દારૂનો જથ્થો લઈ જવામાં આવી રહ્યા હોવાની ક્રાઇમબ્રાન્ચને બાતમી મળી હતી.
જેના આધારે તપાસ કરતા એક સીએનજી GJ07 VV 2040 નંબરની રિક્ષામાંથી અલગ અલગ કંપનીની કુલ 60 વિદેશી દારૂની બોટલો મળી આવી હતી. આ વિદેશી દારૂના જથ્થા સાથે ક્રાઇમબ્રાન્ચે સંદીપ રમેશભાઈ ખેર, સિકંદર રસુલભાઈ કુરેશી અને હેમંત પ્રેમજીભાઈ દફડા નામના ઇસમોને ઝડપી પાડ્યા હતા. આ સાથે ક્રાઇમબ્રાન્ચે કુલ 63 હજારનો મુદ્દામાલ કબજે કરી વધુ કાર્યવાહી હાથધરી છે.
