રાજકોટમાં ડુંગળીની આડમાં વિદેશી દારૂ લાવવાનો પ્રયાસ, SOG દ્વારા બેની ધરપકડ

રાજકોટ જિલ્લામાં SOGએ બે શખ્સની ધરપકડ કરી છે. જેઓ ડુંગળી ભરેલી બોલેરો ગાડીમાં વિદેશી દારૂ સંતાડીને લઈ આવતા હતા. જેની જાણ સ્પેશિયલ ઓપરેશન ગ્રુપને થતા તેઓ દ્વારા વોચ ગોઠવામાં આવી હતી. તે દરમિયાન આ ગાડી પસાર થતા તાત્કાલિક તેને રોકી તપાસ કરતા તેમાંથી વિદેશી દારૂ મળી આવ્યો હતો. જેનો SOG દ્વારા કબ્જે કરવામાં આવ્યો હતો. તેમજ બે શખ્સોને ઝડપી પાડવામાં આવ્યા છે.

• SOGને વિદેશી દારૂ રાજકોટ આવવાની બાતમી મળી
• વિદેશી બ્રાન્ડની 1,212 બોટલો પોલીસે કબ્જે કરી
• ડુંગળીની આડમાં સંતાડીને દારૂ લવાતો હતો

રાજકોટ : જિલ્લામાં SOGની ટીમને બાતમી મળી હતી કે શહેરના મોરબી રોડ ખાતે આવેલી મારવાડી કોલેજ નજીકથી GJ-27 X 6177 નંબરની બોલેરો કારમાં વિદેશી દારૂનો મોટો જથ્થો ભરેલો છે. જે રાજકોટ તરફ આવી રહ્યો છે. આ બતમી મળતા જ SOGની ટીમ સિવિલ ડ્રેસમાં આ જગ્યાએ વોચમાં હતી.

ડુંગળીની આડમાં વિદેશી દારૂ

વિદેશી બ્રાન્ડની 1,212 બોટલો પોલીસે કબ્જે કરી

તે દરમિયાન આ નંબર વાળી ગાડી આવતા તાત્કાલિક તેને અટકવામાં આવી હતી અને અંદર રહેલા ડ્રાઇવર તેમજ અન્ય એક શખ્સ એમ બે શખ્સોને ઝડપી પાડવામાં આવ્યા હતા. આ ગાડીમાંથી અલગ-અલગ વિદેશી બ્રાન્ડની 1,212 બોટલો પોલીસે કબ્જે કરી છે.

રાજકોટ SOG

SOGએ કુલ રૂપિયા 7,25,200નો મુદ્દામાલ કબ્જે કર્યો

SOGએ આ દારૂ ભરેલી બોલેરો કાર સાથે બે શખ્સોની ધરપકડ કરી છે. જેમાં બાલકૃષ્ણ સંન્યાસીભાઈ મદ્રાસી નામનો શખ્સ જે ઈડલી-સાંભરની રેકડી ચલાવે છે. જ્યારે બીજો મનીષ મનોજ જાખેલીયા નામનો શાકભાજી વહેંચતો શખ્સ ઝડપાયા છે. SOGએ કુલ રૂપિયા 7,25,200નો મુદ્દામાલ કબ્જે કર્યો છે. જ્યારે આ શખ્સોની વધુ પૂછપરછ હાથધરી છે. રાજકોટમાં બુટલેગરો ડુંગરીની આડમાં વિદેશી દારૂ લઈને આવતા હોવાની ઘટના પ્રકાશમાં આવતા ચકચાર મચી જવા પામી છે.