રાજકોટ: પડધરી ગામે 67 લાખનો શંકાસ્પદ ઓઈલનો જથ્થો ઝડપાયો

રાજકોટઃ શહેરના પડધરી ગામે કલેક્ટર તંત્ર દ્વારા સાગર એન્ટરપ્રાઇસમાં રેડ પાડવામાં આવી હતી. જે દરમિયાન અંદાજીત 67 લાખનો ઓઈલનો જથ્થો સીઝ કરવામાં આવ્યો છે. ઉલ્લેખનીય છે કે, કલેક્ટર તંત્ર દ્વારા પોલસની સાથે રાખીને આ કામગીરી કરી હતી.

એન્ટરપ્રાઇસના મલિક પાસે કેટલીક સામગ્રીનો હિસાબ ન હોવાના કારણે તંત્ર દ્વારા ત્રણ ટેન્કર ભરાય એટલું શંકાસ્પદ ઓઇલ જપ્ત કરવામાં આવ્યું હતું. જેની કિંમત 67 લાખ હોવાનું માનવામાં આવી રહ્યું છે. અચાનક કલેક્ટર તંત્ર દ્વારા કરવામાં આવેલ કાર્યવાહીથી ગેરકાયદેસર પ્રવૃત્તિઓ સાથે જોડાયેલા લોકોમાં દોડધામ મચી હતી.