રાજકોટ: ગોંડલ તાલુકાના નાના ઉમવાડા ગામે દર્શિત દિનેશ રૈયાણીની વાડીમાં તાલુકા પોલીસે દરોડો પાડી જુગાર રમતા વાડી માલિક દર્શિત રૈયાણી, પ્રવીણ પીપળીયા, કલ્પેશ ભટ્ટી, ચેતન કોટક, મહેન્દ્ર સોલંકી, ભરત વેકરીયા, પિયુષ રૈયાણી, અશ્વિન કાકરેચા, વિનોદ મકવાણા તેમજ બિપિન કાકરેચાને રોકડા રૂપિયા 51,250, મોબાઈલ નંગ 7 તેમજ વાહન મળી કુલ રૂપિયા બે લાખના મુદ્દામાલ સાથે પકડી પાડી વધુ કાર્યવાહી હાથ ધરી હતી.
ઉપરાંત, ગોંડલ તાલુકાના ચોરડી ગામમાં અશોક ગોહેલના ખેતરમાં જુગાર રમાતો હોવાની બાતમીના આધારે તાલુકા પોલીસે દરોડો પાડી જુગાર રમી રહેલા અશોક ગોહેલ, રમેશ છોભાળા, અમિત મકવાણા, રમેશ બામભણીયા, શૈલેષ કાલરીયા, વિમલ હદવાણી તેમજ કિશોર ચૌહાણને રોકડા 31 હજારના મુદામાલ સાથે પકડી પાડી વધુ કાર્યવાહી હાથ ધરી હતી.
