રાજકોટ : શહેરના ગાંધીગ્રામ પોલીસે 1 ઈસમને પેટ્રોલીંગ દરમિયાન એક દેશી પિસ્તોલ અને 2 જીવતા કારતુસ સાથે ઝડપી પાડ્યો હતો. જેમાં ઝડપાયેલ રવિ ભૂપતભાઈ ખેરૈયા નામનો ઈસમ ડ્રાઇવિંગના ધંધા સાથે સંકળાયેલ છે. તેમજ પોલીસે આ ઈસમને જામનગર રોડ પર આવેલ રેલવે કોલોની નજીકથી ઝડપી પાડ્યો છે.
હાલ, પોલીસે આ ઈસમ ગેરકાયદેસર હથિયાર ક્યાંથી લાવ્યો અને તે કોને આપવાનો હતો. તે દિશામાં વધુ તપાસ હાથ ધરી છે. ઉલ્લેખનીય છે કે, અગાઉ પણ રાજકોટમાંથી ગેરકાયદેસર હથિયાર મળી આવ્યા છે. ત્યારે આજે ફરી હથિયાર મળી આવતા પોલીસ વધુ સક્રિય થઈ છે.
