કરાંચી થી નેવા શેવા ખાતે જઈ રહેલ સિંગાપોરની એમ.વી.એ.પી.એલ.લે.હાર્વે નામની એક શીપમાં રવિવારે સવારે અંદાજે 4 કન્ટેનરમાં આગ લાગી હતી. આગ લાગતા કોસ્ટગાર્ડની મદદ માંગવામાં આવી હતી. કોસ્ટગાર્ડના ICGS સંગ્રામ શીપ દ્વારા આગ બુઝાવવાની કામગીરી હાથ ધરી હતી.
આ શીપમાં કુલ 26 ક્રુમેમ્બરમાંથી 13 મ્યાનમારના, 8 સિંગાપોર, 2 મલેશિયન, 2 ચાઇનીઝ છે. આગ બુઝાવવામાં આવતા તમામ ખલાસીઓ સલામત હોવાનું જાણવા મળ્યુ છે. આગના કારણે શીપમાં નુકસાન થયું છે. જો કે, આગ લાગવાનું કારણ હજુ સુધી સામે આવ્યું નથી. આગ લાગેલી શીપને મુન્દ્રા બંદર ખાતે લઇ જવામાં આવી છે. જ્યાં બંદર વિભાગ અને તમામ સુરક્ષા એજન્સીઓ દ્વારા વધુ તપાસ હાથ ધરવામાં આવી છે.
