શ્રી રામ સી સ્વીમીંગ કલબ દ્વારા દર વર્ષ કરતા આ વર્ષે યોજાનાર સમુદ્ર તરણ સ્પર્ધામાં સ્પર્ધકોની એન્ટ્રીની સંખ્યામાં પણ વધારો થયો છે. ખાસ કરીને મુંબઈ મહારાષ્ટ્રથી 200 જેટલા સ્પર્ધકોએ એન્ટ્રી નોંધાવી છે. ત્યારે અલગ અલગ રાજ્યોમાંથી પેરા સ્વિમર પણ આ સ્પર્ધામાં ભાગ લેશે 1 કિ.મી 2 કિ.મી તથા 5 અને 10 કિ.મી તરણ સ્પર્ધામાં અલગ ઉંમરની કેટેગરી રાખવામાં આવી છે ત્યારે સ્પર્ધકોને RFID ચિપ લગાડવામાં આવશે જેનાથી સેન્સર દ્વારા સ્પર્ધકનો તરવાનો સમય નક્કી કરવામાં આવશે તેમ આયોજકોએ જણાવ્યું હતું.
પોરબંદરમાં રાષ્ટ્રીય સમુદ્ર તરણ સ્પર્ધા યોજાશે ભારતમાં માલવણ, ગોવા, ચોરવાડ ઉપરાંત પોરબંદરમાં સમુદ્ર તરણ સ્પર્ધા યોજવામાં આવે છે. તરણ સ્પર્ધામાં દરિયામાં તરવા ગયેલ સ્પર્ધકો કોઈ મુશ્કેલીમાં ન મુકાઈ તેની તકેદારી રાખી ખાસ રેસ્ક્યુ ટિમ પણ તૈનાત રહેશે. જેમાં રામ સ્વિમિંગ કલબના મેમ્બરો તથા નેવી, કોસ્ટગાર્ડ, એસ.એસ.બી, પોલીસ અને નગરપાલિકા સહિત ખારવા સમાજની 20 બોટ સમુદ્રમાં તૈનાત રાખવામાં આવશે.આ ઉપરાંત શ્રી રામ સી સ્વીમીંગ કલબ દ્વારા અલગ રાજ્યમાંથી આવતા સ્પર્ધકો માટે ખાસ રહેવા જમવાની સુવિધાઓ પણ ઉપલબ્ધ કરવામાં આવશે જ્યાં સ્પર્ધકોમાં આત્મીયતા અને સ્પર્ધા સમયે નર્વસનેસ ન રહે તે માટે ડીજે વિથ ડિનરનું પણ આયોજન કરવામાં આવ્યું છે.ખાસ સિવિલ હોસ્પિટલનો મેડિકલ સ્ટાફ સહિત 108 બોટ અને 108 એમયુલન્સ અને ફાયર બ્રિગેડ પણ તૈનાત રહેશે તેમ શ્રી રામ સી સ્વીમીંગ કલબના પ્રોજેક્ટ ચેરમેન હર્ષિત રુઘાણીએ જણાવ્યું હતું.આ કોંનફરન્સમાં શ્રી રામ સી સ્વીમીંગ કલબના પ્રીતેશ ભાઈ લાખણી, પ્રમુખ કિશોરભાઈ થાનકી, દીપકભાઈ ઉનડકટ, મહેન્દ્ર ભાઈ સુરેલીયા હિતેશ પરમાર તથા યુકેથી આ કલબના સપોર્ટ કરતા ભરતભાઇ ઠકરાર સહિત તમામ પત્રકારો વગેરે ઉપસ્થિત રહ્યા હતા.
