રાધનપુરઃ રાધનપુરના કોંગ્રેસના ધારાસભ્ય રધુભાઇ દેસાઇ ગત રોજ પોતાના કાર્યકરો સાથે રાધનપુરની સુરભી ગૌશાળાની બાજુમાં ભાભર રાધનપુર હાઇવે રોડની સાઈડમાં છાપરા બાંધીને રહેતા ગરીબ પરિવારોને ભોજન વિતરણ કરવા ગયા હતા.
આ દરમિયાન કાર્યકરો સહિતનું ટોળું એકઠું થયાનો વીડિયો સોશિયલ મીડિયામાં વાઇરલ થતાં કલમ 144ના ભંગ બદલ રાધનપુર પીએસઆઇએ ધારાસભ્ય સહિત છ વ્યક્તિઓ સામે ફરિયાદ નોંધાવી છે.
ભોજન વિતરણ દરમિયાન સોશિયલ ડિસ્ટન્સના ખુલ્લેઆમ લીરેલીરા ઉડતા કોંગ્રેસ ધારાસભ્ય રઘુભાઈ દેસાઈ, શહેરના અગ્રણી પ્રતાપ ભાઈ ઠક્કર, પ્રકાશભાઈ દક્ષિણી, પપ્પુભાઈ માનસી, દીપકભાઈ ખમાર, બાબુભાઈ ચૌધરી સહિત અન્યો સામે 188 મુજબ ગુનો નોંધી કાયદેસરની કાર્યવાહી કરવામાં આવી છે.