ગ્વાલિયર (મધ્ય પ્રદેશ): ભારતીય ક્રિકેટ કંટ્રોલ બોર્ડ (BCCI) એ શનિવારે જાહેરાત કરી કે, આક્રમક ઓલરાઉન્ડર શિવમ દુબે બાંગ્લાદેશ સામે આવતીકાલથી શરૂ થનારી ત્રણ મેચની T20 શ્રેણીમાંથી બહાર થઈ ગયો છે.
અજીત અગરકરની આગેવાની હેઠળની પસંદગી સમિતિએ સીરીઝ માટે ટીમમાં શિવમની જગ્યાએ ડાબોડી બેટ્સમેન તિલક વર્માનો સમાવેશ કર્યો છે. ત્રણેય મેચ મધ્યપ્રદેશના ગ્વાલિયરમાં રમાશે, જ્યાં ઘણા વર્ષો પછી આંતરરાષ્ટ્રીય ક્રિકેટની વાપસી થઈ છે. આ સિવાય આ મેચો નવી દિલ્હી અને હૈદરાબાદમાં રમાશે.
🚨 NEWS 🚨
— BCCI (@BCCI) October 5, 2024
Shivam Dube ruled out of #INDvBAN T20I series.
The Senior Selection Committee has named Tilak Varma as Shivam’s replacement.
Details 🔽 #TeamIndia | @IDFCFIRSTBank
બીસીસીઆઈના સચિવ જય શાહે શનિવારે મોડી સાંજે મીડિયાને આપેલા નિવેદનમાં જણાવ્યું હતું કે, ઓલરાઉન્ડર શિવમ દુબે પીઠની ઈજાને કારણે ત્રણ મેચની ટી20 શ્રેણીમાંથી બહાર થઈ ગયો છે.
વધુમાં તેમણે જણાવ્યું કે, "વરિષ્ઠ પસંદગી સમિતિએ શિવમની જગ્યાએ તિલક વર્માને ટીમમાં સામેલ કર્યા છે. તિલક રવિવારે સવારે ગ્વાલિયરમાં ટીમ સાથે જોડાશે."
બાંગ્લાદેશ સામેની ત્રણ મેચમાં ભારત ફેવરિટ છે અને ટીમ મેનેજમેન્ટ દક્ષિણ આફ્રિકા સામેની નિર્ણાયક T20 શ્રેણી પહેલા તેમની બેન્ચ સ્ટ્રેન્થનું પરીક્ષણ કરવા માંગે છે.
બાંગ્લાદેશ સામેની T20 શ્રેણી માટે ભારતની નવી ટીમઃ
સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટ-કીપર), રિંકુ સિંહ, હાર્દિક પંડ્યા, રીયાન પરાગ, નીતિશ કુમાર રેડ્ડી, વોશિંગ્ટન સુંદર, રવિ બિશ્નોઈ, વરુણ ચક્રવર્તી, જીતેશ શર્મા (વિકેટ કીપર), અર્શદીપ સિંહ, હર્ષિત રાણા, મયંક યાદવ, તિલક વર્મા.
આ પણ વાંચો:
