પાટણ: પાટણ શહેરમાં મંગળવારે 6 કોરોના કેસ નોંધાયા છે. આ 6 કેસમાં યશધામ ફ્લેટ, તિરુપતિનગર, માતંગી સોસાયટી,નાગરવાડો, રાજનગર સોસાયટી અને મોતીસા દરવાજા ખાતે 1-1 કેસ નોંધાયો છે. આ ઉપરાંત ચાણસ્મા તાલુકાના ખોરસમ,ધીણોજ તેમજ ચાણસ્મા શહેરમાં પણ 1-1 કેસ નોંધાયો છે.
જ્યારે રાધનપુર શહેરમાં 2, સિદ્ધપુર તાલુકાના માધુપુરા,મેળોજ, લુખાસણમાં 1-1 કેસ અને સિદ્ધપુર શહેરમાં 2 કેસ નોંધાયા છે. જ્યારે હારીજ તાલુકાના નાણા ગામે 1 કેસ, સરસ્વતી તાલુકાના આધાર ગામે 2 કેસ તેમજ શંખેશ્વરમાં 1 કેસ નોંધાયો છે.
શંખેશ્વર તાલુકાના સીપુર ગામના 55 વર્ષીય શખ્સનું ધારપુર સિવિલ હોસ્પિટલમાં સારવાર દરમિયાન મોત થતાં જિલ્લાનો કુલ મૃત્યુઆંક 59 થયો છે. કોરોનાને માત આપી અત્યાર સુધીમાં 754 દર્દીઓ સ્વસ્થ થતા તેઓને ડિસ્ચાર્જ કરવામાં આવ્યા છે.
