હાલોલ રૂરલ પોલીસને ચોક્કસ બાતમી મળી હતી. જેમાં હાલોલ નજીક આવેલ બાસ્કા G.I.D.Cમાં તાજપુર ઉજેતી રોડ પર આવેલ આર.એસ એન્ટરપ્રાઇઝ નામની બંધ ફેક્ટરીમાં કેટલાક ઈસમો દ્વારા મોટા જથ્થામાં વિદેશી દારૂ નો સ્ટોક રાખવામાં આવ્યો હતો.હાલોલ રૂરલ પોલીસે સ્થળ પર રેડ કરતા આર.એસ.એન્ટરપ્રાઇઝ નામની અવાવવારું જગ્યાએ આવેલ ફેક્ટરીના ઓરડીઓમાં રાખેલો વિદેશી દારૂ નો જથ્થો મળી આવ્યો હતો.
ભારતીય બનાવટનો અલગ અલગ બ્રાન્ડની 265 નંગ પેટીમાં રાખેલો 12,72,000ની કિંમત નો દારૂ ઝડપાયો હતો.હાલોલ રૂરલ પોલીસે રેડ કરતા ત્યાં ત્રણ ઈસમોની પૂછપરછ કરવામાં આવી હતી. પોલીસે ઝડપેલા ત્રણ ઈસમોને નોકરી પર રાખ્યા હોવાનું પોલીસની પ્રાથમિક તપાસમાં બહાર આવ્યું છે.ત્યારે હાલોલ પોલીસ માટે આટલી મોટી માત્રા માં દારૂનો જથ્થો કોણ લાવ્યું ક્યાંથી લાવ્યું અને કોને આપવાનો હતો. તેની શોધખોળ શરુ કરી છે. હાલ હાલોલ પોલીસે સ્થળ પર થી ઝડપાયેલ ત્રણ આરોપીઓ ને ઝડપી મુખ્ય આરોપીઓ ને શોધવા ના ચક્રો ગતિમાન કર્યા છે.
