પંચમહાલ જિલ્લાના ગોધરા ખાતે નગરપાલિકા તંત્ર અને સામાજીક વનીકરણ વિભાગના સંયુક્ત ઉપક્રમે વિશ્વ પર્યાવરણ દિવસની ઉજવણી કરવામાં આવી હતી. જેના ઉપલક્ષમાં પર્યાવરણ જાગૃતિ રેલીનુ આયોજન બેનરો સાથે કરવામાં આવ્યુ હતુ. રેલી શહેરના વિવિધ વિસ્તારમાં ફરી હતી. જે ગોધરાના અટલબાગ વિસ્તાર ખાતે પહોચીને વૃક્ષારોપણ કરીને જતન કરવાનો તેમજ પ્લાસ્ટીકનો ઉપયોગ ન કરવાનો તથા ગ્રીન એનર્જીને સપોર્ટ કરવાનો સંકલ્પ લીધો હતો.
આ કાર્યક્રમમાં નાયબ કલેકટર એન.એન.નલવાયા ગોધરા નગરપાલિકા પ્રમુખ ઇલેન્દ્ર પંચાલ, વનવિભાગના કર્મચારીઓ, પાલિકાના કર્મચારીઓ સહિત શહેરીજનો જોડાયા હતા. શહેરા પાલિકા ખાતે પણ વિશ્વ પર્યાવરણ દિવસની ઉજવણી કરવામાં આવી. જેમા પાલિકા ઉપપ્રમુખ પ્રદિપ પદવાણી ફુડ ઇન્સપેકટર જીતેન્દ્ર રાઠોડ, પાલિકા સભ્યો સહિત કર્મચારીઓએ વિવિધ છોડનુ પ્રાંગણમાં વૃક્ષારોપણ કરીને ઊજવણી કરી હતી.
