પ્રાપ્ત વિગતો અનુસાર શહેરા તાલુકાના ભદ્રાલા ગામ પાસે પંચમહાલ SOG શાખાની ટીમને બાતમી મળી હતી કે, મંગલિયાણા ગામના ગોપી ફળિયામાં રહેતો ઇસમ જનક ઉર્ફ પિન્ટુ પગી ખટકપુરથી ભદ્રાલા તરફ એક કારમા દારુનો જથ્થો લઈ જવાનો છે. તેવી બાતમીના આધારે વોચમાં હતી અને બાતમીના વર્ણનવાળી ઇન્ડીગો કાર આવતા તેને ઉભી રાખવાનું કહેતા ચાલક જનક ઉર્ફ પિન્ટુ પગી ફરાર થઈ ગયો હતો.
આ અંગે કારની ડીકીમાં તપાસ કરતા વિદેશી દારુની 375 જેટલી બોટલોનો જથ્થો મળી આવતા ચોકી ઉઠી હતી. SOG શાખાએ ગાડી તેમજ દારુનો જથ્થો જપ્ત કરીને શહેરા પોલીસ સ્ટેશન ખાતે લાવીને ફરાર ઈસમ જનક ઉર્ફ પિન્ટુ પગી સામે કાયદેસરની કાર્યવાહી હાથ ધરી છે.
