જીલ્લાના ગોધરા તાલુકાના બગીડોળ ગામે ગત મોડી રાત્રીએ ગ્રામજનોએ ગામમાંથી શંકાસ્પદ હાલતમાં પસાર થતા બે યુવકોને ઝડપી પાડી તેમની પાસે રહેલા થેલાની તપાસ હાથ ધરતા તેમાંથી ગ્રામજનોને મૃત હાલતમાં ૩ મોર મળી આવ્યા હતાં. જેના પગલે ત્યાં હાજર ઉશ્કેરાયેલા ટોળા એ બંને ઇસમોને માર મારી અને પોલીસને જાણ કરી હતી, પોલીસ ગામમાં પહોંચે તે પહેલા તો ટોળાએ બન્ને ઇસમોને ગામમાં જ એક ઝાડ સાથે બાંધી રાખ્યા હતાં.
પોલીસે ઘટના સ્થળે પહોંચી ૨ ઇસમો સહીત મોરના ૩ મૃતદેહો કબ્જે કરી વનવિભાગને જાણ કરી હતી. વન વિભાગ દ્વારા સમગ્ર મામલે વન એક્ટની કલમો તેમજ વાઈલ્ડ લાઈફ પ્રોટેક્શન એક્ટ મુજબની કલમો અનુસાર ઝડપાયેલા બંને ઇસમો વિરુધ કાર્યવાહી હાથ ધરી હતી, જયારે મોરના ૩ મૃતદેહોનું પોસ્ટમોર્ટમ કરી તેમનો અતિમ સંસ્કાર કરવામાં આવ્યો હતો. ઉલ્લેખનીય છે કે રાત્રી દરમિયાન ગામમાં બનેલી ઘટનાના વિડીયો હાલમાં સોશિયલ મીડિયામાં વાયરલ થયો છે.
