એક તરફ સામાજિક દુષણ ગણાતું જુગાર સુખી જીવને બરબાદ કરીને રસ્તે રઝળતા કરી દે છે. જુગાર મોતનું કારણ પણ બને એવું સામે આવ્યું છે. નવસારી જિલ્લાના ખેરગામ તાલુકાના નાધાઈ ગામની ઔરંગનદીના કિનારે જુગાર રમતા જુગારીઓ પર પોલીસે રેડી પાડી હતી. જેમાં બચવા માટે નદીમાં કૂદીને પડેલા પૈકી એક ઇસમનું ડૂબી જતાં મોત નિપજતા ચકચાર મચી ગયો છે.
નવસારીમાં પોલીસે રેડ પાડી, 6 જુગારીઓને ઝડપી પાડ્યા, શ્રાવણમાં જુગારની રમઝટ પુર જોશમાં ચાલતી હોય છે. જે સામાજિક દુષણનું પ્રમાણ વધી જતાં પોલીસ પણ આવા જુગારના અડ્ડાઓ પર છાપો મારીને ઝડપવાની ગતિવિધિઓ તેઝ કરી છે. નવસારી જિલ્લાના નાધાઈ ગામેથી પસાર થતી ઔરંગના કાંઠે જુગાર રમતા લોકો પર અચાનક પોલીસે છાપો માર્યો હતો. જેમાં 7 લોકોને પોલીસે ઝડપી પાડ્યા હતા. 6 લોકો પોલીસથી બચવા નદીમાં છલાંગ લગાવી ગયા હતા. જેમાંથી એક ઇસમનો ભાળ મળી શક્યો ન હતો જેની શોધખોળ બાદ મૃતદેહ મળતા પરિવાર શોકમાં આવી ગયો હતો. સામાજિક દુષણ ગણાતા જુગારને લઈને યુવાને મોત સ્વીકારી લેવું પડતા ગમખ્વાર ઘટના બની હતી. પોલીસે સમગ્ર જુગારી સામે કાયદેસરની કાર્યવાહી હાથધરી હતી. ડૂબી ગયેલા મૃતકના કેશમાં અકસ્માતનો ગુનો નોંધાયો છે. જિલ્લામાં પોલીસથી જુગારમાં ઝડપાઇ ન જાય તે માટે નદીમાં ડૂબી જવાની પ્રથમ ઘટના બની છે.
