સ્ટેચ્યુ ઓફ યુનિટી પ્રવાસીઓમાં વધુ આકર્ષણનું કેન્દ્ર બને તે માટે વડાપ્રધાન નરેન્દ્ર મોદીએ આ વિસ્તારમાં જ એક જંગલ સફરીપાર્ક બને તેવો વિચાર રજૂ કર્યો હતો અને આ વિચારને માત્ર 6 મહિનાના ટૂંકા ગાળામાં તંત્ર સાકાર કરવા જઈ રહ્યું છે. નર્મદા જિલ્લામાં જ સ્ટેટ્યૂ ઓફ યુનિટી પાસે સાતપુડાની ગીરી કંદરાઓ વચ્ચે 375 એકરમાં 300 મીટર અને તેનાથી પણ વધુ ટેકરી વાળા વિસ્તારમાં 186 પ્રજાતિના 1500થી વધુ પ્રાણીઓ અને દેશ વિદેશના પક્ષીઓ માટેનું એક જંગલ સફારી પૂર્ણતાની આરે છે.
અહીં સમગ્ર ભારતમાં ન હોય તેવા કેટલાય પ્રાણીઓ હશે. ખાસ કરીને ઑસ્ટ્રેલિઆમાં થતા આલ્પા અને વોલબી એટલે કે નાના કાંગારું અહીંનું આકર્ષણ બની રહેશે. વળી, અહીં મોટા પ્રાણીઓ જેવા કે ગેંડા માટે બનાવતા નિવાસને ગંગ નિવાસ, મોટી ભેંસો માટેના નિવાસને મહીસા સદન અને સિંહ જ્યાં રહેવાના છે, તે સ્થાનને મૃગેન્દુનીવાસ જેવા નામ આપવાનું સૂચન પણ વડાપ્રધાન દ્વારા કરવામાં આવ્યું છે.
સ્ટેચ્યુ ઓફ યુનિટી પાસે બની રહેલા જંગલ સફારી પાર્કમાં વિદેશી પ્રાણી-પક્ષીઓઓની એન્ટ્રી એક ઝૂ બનાવવા 7 વર્ષ જેટલો સમય લાગે પરંતુ આ સફારી માત્ર 5 મહિનામાં બની છે.કેવડિયાના જંગલ સફારીમાં યુદ્ધના ધોરણે ચાલતી કામગીરી વચ્ચે પાવાગઢ રેસ્ક્યુ સેન્ટરમાંથી એક દીપડો જંગલ સફારી માટે લાવવામાં આવ્યો હતો. સાથે હરણ અને સાબર પણ લાવવામાં આવ્યા હતા. હવે ધીરે-ધીરે બીજા પ્રાણીઓ લાવવા માં આવી રહ્યા છે. જેમાં સાઉથ આફ્રિકા, સિંગાપુર, નેધર લેન્ડ, જર્મની, ફ્રાન્સ, ઇંગ્લેન્ડ, મલેશિયા,ઓસ્ટ્રેલિયા સહિતના વિવિધ દેશોમાંથી વિવિધ પ્રજાતિના પોપટ, ચકલી, સસલા, મરઘી, બતક, ઇમુ, શાહમૃગ સહીતના પક્ષીઓ, પ્રાણીઓ, લાવવામાં આવ્યા છે.
આ સાથે સક્કરબાગ ઝુ અને જુનાગઢ ઝુમાંથી સિંહ વાધ, ચિત્તો સહિતના અન્ય પ્રાણીઓ ધીરે-ધીરે લાવવામાં આવશે. જે પ્રવાસીઓ માટે એક વિશેષ આકર્ષણ જામશે. ત્યારે હાલ જે પ્રાણીઓ લાવવામાં આવી રહ્યા છે. જેની દેખરેખ માટે પણ 60થી વધુ પક્ષીઓ અને પ્રાણીઓના ટ્રેનરો રાખવામાં આવ્યા છે.
