રાજપીપળાની કોલેજમાં વિદ્યાર્થીનીઓ માટે સેનેટરી નેપકીન મશીન મુકાયું

નર્મદાના રાજપીપળા શહેરની કોલેજમાં વિદ્યાર્થીનીઓ માટે સેનેટરી નેપકીન મશીન મુકવામાં આવ્યું છે, જે આદિવાસી ગામડામાંથી આવતી વિદ્યાર્થીનીઓને માત્ર 2 રૂપિયામાં નેપકીન મળી શકે, તે માટેનું આયોજન કરવામાં આવ્યું, જેથી કોલેજની વિધાર્થીનીઓનું અભ્યાસમાં ધ્યાન રહે માટે એક જાગૃતિ સાથે કોલેજના આચાર્યએ આ પહેલ કરી હતી.

નર્મદાઃ રાજપીપળામાં આવેલી એમ.આર.આર્ટ્સ એન્ડ સાયન્સ કોલજમાં 2500થી વધુ સ્ટુડન્ટસ અભ્યાસ કરી રહ્યા છે, જેમાં 1300 જેટલી વિધાર્થીનીઓ છે, જે મોટા ભાગે આજૂબાજુનાં આદિવાસી ગામમાંથી અને આદિવાસી જિલ્લામાંથી આવે છે. ખાસ વિદ્યાર્થીનીઓને માત્ર 2 રૂપિયામાં નેપકીન મળી શકે, તે માટે સેનેટરી નેપકીન મશીન મુકવામાં આવ્યું છે. જેથી તેઓ અભ્યાસમાં પણ સારી રીતે ધ્યાન આપી શકે છે.

કોલેજના પ્રિન્સિપલ ડૉ.શૈલેન્દ્રસિંહ માંગરોલાએ એક એજન્સીનો સંપર્ક કરીને કેન્દ્ર સરકારના ભારતીય રેલ વિત્ત નિગમ લિમિટેડના ફંડ દ્વારા એમ.પી.કોન સંસ્થા દ્વારા એક પેડ મશીન લગાવવામાં આવ્યું છે, જેમાં માત્ર 2 રૂપિયાનો સિક્કો નાખવાથી આ સુવિધાનો ઉપયોગ કરી શકાય છે.