- ટ્રેલર ચાલકે બાઈકને હડફેટે લેતા સર્જાયો અકસ્માત
- મોરબીના જાંબુડિયા નજીક ટ્રેલરે અને બાઈક વચ્ચે અકસ્માત
- અકસ્માતમાં પતિની નજર સામે પત્નીનું મોત
મોરબીઃ જિલ્લાના નવલખી રોડ પર યમુનાનગરમાં રહેતું દંપતી બાઈક પર મકનસર ગામે દશામાના મંદિરે દર્શન કરવા માટે જતું હતુ ત્યારે દરમિયાન ટ્રેલરના ચાલકે ઠોકરે ચડાવતા મહિલાનું મૃત્યુ નીપજ્યું હતું. બનાવ અંગે મોરબી તાલુકા પોલીસે નોંધ કરી ધોરણસરની કાર્યવાહી હાથ ધરી છે.
બાઈકને હડફેટે લેતા સર્જાયો અકસ્માત
મળતી માહિતી મુજબ મોરબીના નવલખી રોડ પર આવેલા યમુનાનગર વિસ્તારમાં રહેતા પરેશભાઈ પિત્રોડા અને તેમના પત્ની દમયંતીબેન બંને મોરબીના મકનસર ગામ પાસે આવેલા દશામાના મંદિરે દર્શન કરવા માટે પોતાના બાઇક પર જતા હતા. તે દરમિયાન જાંબુડિયા ગામ નજીક પહોંચતા ઓવરબ્રિજ નજીક પાછળથી અજાણ્યા ટ્રેલર ચાલકે ઠોકર મારતા દંપતીને ઈજા થઇ હતી અને દમયંતીબેન પર ટ્રેલરનું ટાયર ફરી વળતા તેનું ઘટના સ્થળે મૃત્યુ નિપજ્યું હતું. જ્યારે પરેશભાઈને ઈજા થતા સારવાર માટે ખસેડવામાં આવ્યા છે. તો મૃતક દમયંતી બહેનના મૃતદેહને પોલીસે પોસ્ટમોર્ટમ માટે ખસેડી ધોરણસરની કાર્યવાહી હાથ ધરી છે.
