બનાવની મળતી માહિતી મુજબ વાંકાનેર તાલુકાના વીરપર ગામે ગત તા. ૧૫-૦૫ ના રોજ ગેરકાયદેસર ખનીજની કામગીરી અટકાવવા અને કાર્યવાહી કરવા ગયેલી સર્કલ ઓફિસર વાંકાનેર પર હુમલો કરી ફરજમાં રૂકાવટ કરવામાં આવી હતી.
જે મામલે વાંકાનેર તાલુકા પોલીસ મથકમાં ગુન્હો નોંધી પોલીસે તપાસ ચલાવી હતી. જેમાં જીલ્લા પોલીસવડા ડો. કરનરાજ વાઘેલાના માર્ગદર્શન હેઠળ વાંકાનેર તાલુકાના પીએસઆઈ એસ એ ગોહિલ અને બી ડી પરમારની ટીમે આરોપીને ઝડપી લેવા ચક્રો ગતિમાન કર્યા હતા.
જેમાં આરોપી જયદીપસિંહ ઉર્ફે મુન્નાભાઈ જીવુભા ઝાલા, બળભદ્રસિંહ જીવુભા ઝાલા અને ઘેલુભા જીવુભા ઝાલા રહે બધા મોરબી વાળાને પાડધરા ચોકડી પાસેથી ઝડપી લઈને ગુન્હામાં વપરાયેલ વાહન જપ્ત કરી ધોરણસરની કાર્યવાહી હાથ ધરી છે.
