મોરબી નજીક LPG ભરેલું ટેન્કર પલટ્યું, જામનગર-કચ્છ હાઈવે બ્લોક

મોરબીના આમરણ નજીક આજે સવારના સુમારે એક LPG ભરેલું ટેન્કર કોઈ કારણોસર પલટી મારી ગયું હતું. ટેન્કર પલટી જવાને પગલે રસ્તો બંધ થઇ જતા રૂટ ડાયવર્ટ કરવામાં આવ્યો હતો.

જામનગરથી કચ્છ તરફ જઈ રહેલું LPG ભરેલું ટેન્કર આજે આમરણ નજીક પલટી મારી ગયું હતું અને LPGટેન્કરમાંથી ગેસ લીકેજ થતો હોવાની માહિતી સુત્રોમાંથી પ્રાપ્ત થઇ છે. જેને પગલે આસપાસના વિસ્તારમાં ભયનો માહોલ ફેલાયો છે તો સતત ટ્રાફિકથી વ્યસ્ત રહેતો જામનગર કચ્છ હાઈવે પર ટેન્કર પલટી મારી જતાં રોડ બ્લોક થઇ ગયો હતો જેને કારણે ટ્રાફિક ડાયવર્ટ કરવાની ફરજ પડી હતી

પ્રાપ્ત વિગતો મુજબ,અકસ્માતને પગલે ટ્રાફિકને આમરણથી પડાણા થઇને ધ્રોલ બાજુ ડાયવર્ટ કરવામાં આવ્યો છે. બનાવને પગલે પોલીસ ટીમ પણ સ્થળ પર પહોંચી હતી. જો કે, બનાવને પગલે કોઈને ઈજા પહોંચી ન હોયતંત્રએ રાહતનો શ્વાસ લીધો હતો.