મોરબી LCB ટીમ દ્વારા પેટ્રોલિંગ કરવામાં આવી રહ્યું હતું. તે દરમિયાન માટેલ ઢુવા રોડ પરથી વિદેશી દારૂ કારમાં હેરાફેરી કરતા હોવાની બાતમીને આધારે વોચ ગોઠવી હતી. પાયલોટીંગ કાર સાથે જતી મારૂતિ અર્ટીગા કારને આંતરીને તપાસ કરતા કારમાંથી LCB ટીમે દારૂ-બીયરનો જથ્થો તેમજ 2 કાર, 6 મોબાઈલ સહિત કુલ 12,23,700ની કિમતનો મુદ્દામાલ જપ્ત કર્યો છે.
કારમાં સવાર આરોપી સલીમ ઈસ્માઈલ સુમરા, સાગર નવઘણ રબારી, ગેલાભાઈ નૈયાને ઝડપી લેવામાં આવ્યા છે. જ્યારે અન્ય આરોપી અજય ઉર્ફે અજ્લો કોળી પાસેથી દારૂનો જથ્થો મેળવ્યાની આરોપીઓએ કબુલાત આપતા તેની સામે ગુનો નોંધીને આગળની તપાસ ચલાવવામાં આવી છે.
