મોરબીઃ વાંકાનેર તાલુકાના સરતાનપર રોડ પરની સિરામિક ફેકટરીમાં જુગારની બાતમી મળતા LCBની ટીમે દરોડા પાડ્યા હતા. જેમાં જુગાર રમતા 12 પત્તાપ્રેમીઓને ઝડપી લઈને 4 લાખથી વધુની મત્તાનો માલ જપ્ત કરવામાં આવ્યો હતો.
મોરબી જિલ્લામાં શ્રાવણીયો જુગાર ધમધમતો હોય જેથી જુગારની બદી નાબુદ કરવા એલસીબી ટીમ પેટ્રોલિંગમાં હતી તે દરમિયાન વાંકાનેર તાલુકાના સરતાનપર રોડ પરની એમ્બો ગ્રેનાઈટો કારખાનાની ઓફિસમાં જુગારની બાતમી મળતા LCB ટીમે દરોડા પાડ્યા હતા.
જેમાં જુગાર રમતા 12 પત્તાપ્રેમીઓને ઝડપી લઈને LCB ટીમે રોકડ રકમ રૂપિયા 4,05,000 જપ્ત કરી કાયદેસરની કાર્યવાહી હાથ ધરી હતી.
