વડનગરના અમરથોળમાંથી પુરાતત્વ વિભાગને 2 હજાર વર્ષ જૂના અવશેષો મળ્યા

મહેસાણા જિલ્લાનાં અમરથોળ ખાતે હાલમાં પુરાતત્વ વિભાગ દ્વારા ઉત્ખનનની પ્રક્રિયા ચાલી રહી છે. આ પ્રક્રિયા દરમ્યાન પુરાતત્વ વિભાગને અંદાજિત 2 હજાર વર્ષ જૂના અવશેષો મળી આવ્યા છે. આ અવશેષો ચોક્કસ કેટલા વર્ષ જૂના છે, તેની ભાળ મેળવવા માટે તેઓને પરીક્ષણ અર્થે મોકલવામાં આવ્યા છે.

• જમીનમાં ઉત્ખનન દરમિયાન અવશેષો મળી આવ્યા
• વડનગરમાં પુરાતત્વ વિભાગની કામગીરી
• અમરથોળ વિસ્તારમાં કરવામાં આવી રહ્યું છે ઉત્ખનન

મહેસાણા: જિલ્લામાં આવેલા ઐતિહાસિક ધરોહર એવા વડનગરમાં કેન્દ્રીય પુરાતત્વ વિભાગ દ્વારા ઉત્ખનન પ્રક્રિયાચાલી રહી છે. ત્યારે તાજેતરમાં વડનગરમાં આવેલ અમરથોળ વિસ્તારમાં ચાલી રહેલી સંશોધનની કામગીરીમાં એક 2000 વર્ષ જૂનો કોટ મળી આવ્યો છે. જ્યારે અહીં પહેલા કોઈ પ્રજાતિ વસવાટ કરતી હોય તેમ કેટલાક સ્ટ્રક્ચર પણ મળી આવ્યા છે. જેમાં ગટર, દિવાલ, સહિતના અવશેષોનો સમાવેશ થાય છે.

વડનગરના અમરથોળમાંથી પુરાતત્વ વિભાગને 2 હજાર વર્ષ જૂના અવશેષો મળ્યા

અવશેષોને પરિક્ષણ માટે મોકલી અપાયામહેસાણા જિલ્લાના વડનગરમાં છેલ્લા ઘણા વર્ષોથી પુરાતત્વ વિભાગ દ્વારા ઉત્ખનન પ્રક્રિયા હાથ ધરવામાં આવી છે. જેમાં બૌદ્ધ મઢ અને બૌદ્ધ વિહાર સહિતના અવશેષો મળી આવ્યા હતા. ત્યારે તાજેતરમાં વધુ એક વખત પુરાતત્વ વિભાગને જમીનમાં ખોદકામ કરતા વર્ષો જુના કેટલાક સિક્કા સહિતના અવશેષો મળી આવ્યા છે. મહત્વનું છે કે જમીન માંથી મળતી ચીજ વસ્તુઓ એ પૌરાણિક હોવાનું પ્રાથમિક તબક્કે જાણવા મળી રહ્યું છે પરંતુ ચોક્ક્સ પણે આ અવશેષો શું છે અને કેટલા પૌરાણિક છે? તે જાણવા માટે આ તમામ અવશેષોને પરિક્ષણ માટે મોકલી અપાવામાં આવ્યા છે.

વડનગરના અમરથોળમાંથી પુરાતત્વ વિભાગને 2 હજાર વર્ષ જૂના અવશેષો મળ્યા

વડનગરમાં પુરાતત્વ વિભાગના અધિકારીઓ સંપર્ક વિહોણાકેન્દ્રીય પુરાતત્વ વિભાગની કામગીરી સરકાર દ્વારા હર હંમેશા વખાણવામાં આવે છે. પરંતુ હાલમાં જ્યારે વૈભવી ઇતિહાસની ગાથા સાથે જોડાયેલા વડનગરમાં કાર્યરત કેન્દ્રીય પુરાતત્વ વિભાગના અધિકારી સહિતના લોકોએ તેમની કામગીરી બાબતે કઈ પણ કહેવાનો ઈન્કાર કરીને વડનગરના ઇતિહાસને ઉજાગર કરવાના સરકારના સપનાઓ પર પાણી ફેરવી રહ્યા છે.