મહેસાણા: જિલ્લા વિકાસ અધિકારી એમ.વાય. દક્ષિણીની પ્રેરણા અને માર્ગદર્શનથી જિલ્લા પંચાયત મહેસાણા દ્વારા ક થી માંડીને ક્ષ સુધી કોરોનાની માહિતી અને બચાવ અંગેના ઉપાયોગની વિગતે સમજ આપી છે. લોકોમાં કોરોનાના માનસિક ડર પ્રવેશી ચૂક્યો છે. આ સમયે લોકોમાં ગમ્મત સાથે કોરોના અંગે જાગૃત કરવાની અનોખી પહેલને જિલ્લાના લોકોએ આવકારી છે.
કોરોનાની આ ક્કકવારીમાં ક એટલે કોરોનાથી સાવચેત રહો, ખ એટલો ખોરાક હલકો લેવા અને ખુલ્લામાં ખાંસી ન ખાવો, બ એટલે બહાર જવાનું ટાળો, લ એટલે લક્ષણો દેખાય તુરંત ડોક્ટરનો સંપર્ક કરો, સહિત ક થી ક્ષ સુધી વિવિધ કોરોના અંગેની સમજ, જાગૃતિ અને બચાવ અંગેના ઉપાયો દર્શાવવામાં આવેલ છે.
કોરોનાની આ કક્કાવારીમાં આયુષ અંગે માર્ગદર્શન, કોરોનાના લક્ષણો, કોરોનાથી બચવાના ઉપાયો, રોજની દિન ચર્યા, વારંવાર હાથ ધોવા સહિતની માહિતી આપવામાં આવેલી છે.
જિલ્લા વિકાસ અધિકારી એમ.વાય. દક્ષિણીની પ્રેરણાથી બનાવેલ આ કક્કાવારી નાના બાળકોથી માંડીને વયોવૃદ્ધ તમામ લોકોમાં પ્રિય બની છે. કોરોનાની આ ક્કકાવારીથી અપાતી કોરોના વિશેની અનોખી સમજને લોકો કુતુહુલથી સમજી રહ્યાં છે.
