મહીસાગરમાં ગરમીમાં ઠંડક આપતી તાડફળીનું આગમન

એક તરફ કોરોના હાહાકાર મચાવી રહ્યો છે તો બીજી તરફ મહીસાગરના લોકો માટે તો ખુશીના સમાચાર આવ્યા છે. કારણ કે, અહીં ગરમીના સમયમાં શીતળતા આપતી તાડફળીનું આગમન થઈ ચૂક્યું છે. અહીંના બજારોમાં તાડફળીનું વેચાણ કરવા વેપારીઓ મેદાને ઉતરી ગયા છે.

• ગરમીમાં તાડફળી લોકોને રાહત આપે છે
• બજારમાં તાડફળીનું વેચાણ કરવા વેપારીઓ મેદાને
• એક તરફ કોરોનાથી હાહાકાર બીજી તરફ તાડફળીના આગમનથી લોકોમાં ખુશી
• તાડફળીમાં સોડિયમ, કાર્બોહાઈડ્રેટ, પ્રોટિન, તાંબુ અને વિટામીન B6 જેવા પોષક તત્વો

લુણાવાડાઃ મહીસાગરના બજારોમાં શરીરને શીતળતા આપતી તાડફળીનું આગમન થયું છે. ઉનાળાની ગરમીથી જિલ્લાવાસીઓ ત્રાહિમામ પોકારી ગયા છે. આવા ગરમીના સમયમાં રાહત મેળવવા માટે જિલ્લાવાસીઓ શીતળતા આપતા ફળોનો આશરો લઈ રહ્યા છે. અહીંના બજારોમાં હાલમાં તાડગોટી એટલે કે તાડફળી વેચાતી બજારમાં જોવા મળી રહી છે.

ગરમીમાં તાડફળી લોકોને રાહત આપે છે

આ પણ વાંચો- ભાવનગરમાં સોસિયાની કેરીનું આગમન: કાચી કેરી 100ની આસપાસ રહેતા લોકોને સ્વાદ ફિક્કો પડશે

પેટની ગરમીને શાંત કરવા વાળું ફળ એટલે તાડફળી

મહીસાગર અને પંચમહાલ જિલ્લામાં આવેલા કેટલાક ગ્રામ્ય વિસ્તારોમાં તાડના વૃક્ષો છે. હાલમાં તેના પર ફળ લાગવાની સિઝન ચાલી રહી છે. ઝાડ ઉપર લાગતા ફળને તાડગોટી કે તાડફળી કહેવામાં આવે છે. આ ફળ ખાવામાં ખૂબ જ મીઠું અને સ્વાદિષ્ટ હોય છે. પેટની ગરમીને શાંત કરવા વાળું ફળ છે. વેપારીઓ દ્વારા ગોધરા પંથકમાંથી તાડફળી મગાવવામાં આવે છે. જિલ્લાના નગરોમાં સવારથી જ લારીઓમાં તાડફળી વેચનારાઓ જોવા મળી રહ્યા છે.

આ પણ વાંચો- કોરોના કહેરમાં કેરીનું ઉત્પાદન લેતા ખેડૂતો માટે બેવડો મારકિલોના 80 થી 100 રુપિયા ના ભાવે વેચાય છે હાલમાં તાડફળી 80થી 100 રૂપિયે કિલોના ભાવે વેચાઈ રહી છે. તાડના વૃક્ષ ઉપર લાગતા તાડગોટીનું ફળ મોટું હોય છે તેને કાપવામાં આવે છે અને તેમાંથી 3થી 4 ગોટલી નીકળે છે. ઉનાળાની ગરમીમાં આ ફળને ખાવાથી પેટમાં ઠંડક અનુભવાય છે. તાડફળીમાં સોડિયમ, કાર્બોહાઈડ્રેટ, ચરબી, સુગર, પ્રોટિન, તાંબુ અને વિટામીન B6 જેવા ઘણા પોષકતત્વો સમાયેલા હોય છે, જે આપણા શરીર માટે ફાયદાકારક હોય છે. વધુમાં આ ફળ ફાઈબરયુક્ત હોવાથી પેટ દર્દ, કબજિયાતમાં ફાયદો કરે છે અને લિવરને સુરક્ષિત રાખે છે. આ તાડફળી પેટ દર્દ માટે ફાયદાકારક અને લિવરને સુરક્ષિત રાખે છે.