મહીસાગર : સમગ્ર દેશમાં જો ઇદનો ચાંદ દેખાઇ જાય તો સોમવારે મુસ્લિમ ધર્મનો સૌથી મોટો પવિત્ર તહેવાર રમઝાન ઇદની ઉજવણી થશે. ત્યારે હાલ જ્યારે સમગ્ર દેશમાં કોરોના વાઈરસનું સક્રમણ રોકવા માટે લોકડાઉન ચાલી રહ્યું છે, ત્યારે આ સમયમાં મુસ્લિમ બિરાદરો દ્વારા પવિત્ર રમઝાન ઇદની ઉજવણી મુસ્લિમ સમુદાય પોતાના ઘરે ઇદની નમાઝ અદા કરીને શાંતિ પૂર્ણ સદભાવના માહોલમાં ઉજવણી કરે તે માટે મહીસાગર જિલ્લાના વડા મથક લુણાવાડામાં DYSP એન.વી.પટેલની ઉપસ્થિતિમાં લુણાવાડા મુસ્લિમ સમાજના આગેવાનો અને મોલાનાની મીટીંગ યોજાઈ હતી.
રમઝાન ઈદની ઉજવણીને લઇ મહીસાગર પોલીસે મુસ્લિમ બિરાદરો અને મોલાના સાથે મીટીંગ યોજી
જેમાં મુસ્લિમ સમાજના આગેવાનોએ તેમજ મોલાનાએ ઇદની ઉજવણી મુસ્લિમ બીરાદરો ઘરે નમાઝ અદા કરી કરશે, તેવી હૈયા ધારણા પોલીસ વિભાગને આપી હતી.
