ગુજરાતના ખેલાડીઓ રમત-ગમત ક્ષેત્રે આગળ વધી રાજ્યનું નામ રોશન કરે તેવા પ્રયાસો રાજ્ય સરકાર કરતી હોય છે. જ્યારે ખેલમહાકુંભના માધ્યમ દ્વારા ખેલાડીઓની પ્રતિભા બહાર આવી રહી છે, ત્યારે આ ઝોન કક્ષાની ખો-ખો સ્પર્ધામાં અંડર-14 રમતવીરોએ ખૂબ જ ઉત્સાહ અને ઉમંગથી ભાગ લીધો હતો. ખો-ખો સ્પર્ધામાં ખેલાડીઓને આગળ આવવા જિલ્લા કલેક્ટર તેમજ જિલ્લા રમત-ગમત અધિકારીએ શુભકામના પાઠવી હતી.
આ સ્પર્ધામાં 31 ટીમોના ખેલાડીઓએ ઉત્સાહપૂર્ણ માહોલમાં પોતાની ખેલ પ્રતિભાનું ઉત્કૃષ્ઠ પ્રદર્શન કર્યું હતું. ઉપસ્થિત મહાનુભાવોએ તમામ ખેલાડીઓને શુભકામનાઓ પાઠવી હતી.
