લુણાવાડા :કોરોનાની મહામારીમાં જિલ્લાના નાગરિકોને કોરોના વાઇરસના સંક્રમણથી સુરક્ષિત રાખવા અને રોગ પ્રતિકારક શક્તિમાં વધારો થાય અને તેમની તંદુરસ્તી જળવાઇ રહે તે માટે જિલ્લા કલેકટર અને જિલ્લા વિકાસ અધિકારીના માર્ગદર્શન હેઠળ અને જિલ્લા આરોગ્ય અધિકારી તેમજ જિલ્લા આયુર્વેદિક અધિકારીની રાહબરી હેઠળ આયુષ મંત્રાલયના દિશાનિર્દેશ પ્રમાણે જિલ્લા-તાલુકા અને ગ્રામ્ય સ્તર સુધીના આરોગ્યના કર્મીઓ સતત પોતાની ફરજો અદાકરી રહ્યા છે.
કોરોના વાઇરસના સંક્રમણને વધુ ફેલાતો અટકાવી શકાય તે હેતુથી સંબંધિત તાલુકાના લાયઝન અધિકારી, તાલુકા હેલ્થ ઓફિસર, મામલતદારના માર્ગદર્શન હેઠળ તારીખ 10 સપ્ટેમ્બરના રોજ અર્બન હેલ્થ સેન્ટર, લુણાવાડાની મેડીકલ ટીમ તેમજ RBSK ની ટીમ 444 અને 446 દ્વારા લુણાવાડા નગરના ગણેશ સોસાયટી, છપાઇયા ધામ, કોટેજ ચોકડી અને લુણેશ્વર એપાર્ટમેન્ટના રહીશો તથા વિસ્તારના દુકાનદારોના ટીમ અને લેબ ટેકનિશિયન દ્વારા 112 રેપીડ એન્ટીજન ટેસ્ટ કરવામાં આવ્યા હતા.
આજ રીતે ગોઠીબના પટેલ ફળિયાના કન્ટેન્ટમેન્ટ વિસ્તારમાં પણ તારીખ 10 સપ્ટેમ્બરના રોજ ધન્વંવતરી રથ અને RBSK ની ટીમ દ્વારા આ વિસ્તારમાં મલ્ટી પર્પઝ હેલ્થગ વર્કર, ફીમેલ હેલ્થમ વર્કર અને આશા વર્કર દ્વારા ડોર ટુ ડોર સર્વે કરવાની સાથે SPO2ની ચકાસણી કરવાની સાથે કોરોના વાઇરસ અંગેની જાણકારી આપવામાં આવી હતી.
આ કામગીરી દરમિયાન 66 રેપીડ એન્ટીજન ટેસ્ટ કરવામાં આવ્યા હતા. જેમાંથી બે કેસ પોઝિટિવ મળી આવતાં દર્દીઓને સારવાર અર્થે મોકલી આપવામાં આવ્યા હતા.
આમ, જિલ્લાના આરોગ્ય કર્મીઓ જિલ્લામાં કોરોનાના સંક્રમણને ફેલાતો અટકાવવા માટે તેઓની ફરજો અદા કરવાની સાથે તમામને સોશિયલ ડિસ્ટન્સીંગ, માસ્કની ઉપયોગીતા અને સેનેટાઇઝરના ઉપયોગ વિશે તેમજ માસ્ક પહેર્યા વગર ઘરની બહાર ન નીકળવા અને સોશિયલ ડિસ્ટન્સીંગનું પાલન કરવા સમજાવી રહ્યા છે.
