મહિસાગરમાં CMના હસ્તે વર્ચ્યુઅલ ભરતીમેળાનો ઇ-લોકાર્પણ કાર્યક્રમ યોજાયો

રોજગાર વાંચ્છુઓ કોઇપણ સ્થળેથી રોજગાર કચેરીઓનો ટેલીફોનિક સંપર્ક કરીને અભ્યાસલક્ષી તથા કારકિર્દીલક્ષી સચોટ માર્ગદર્શન મેળવી શકે તે હેતુસર રાજ્યના તમામ જિલ્લાની રોજગાર વિનીમય કચેરીઓ ખાતે ''કોલ સેન્ટર''ની શરૂઆત તેમ જ વર્ચ્યુઅલ ભરતીમેળા પખવાડિયાનો ઇ-શુભારંભ મુખ્યપ્રધાન વિજય રૂપાણીના હસ્તે કરવામાં આવ્યો હતો.

• મુખ્યપ્રધાન વિજય રૂપાણીના હસ્તે શ્રમ અને રોજગારની વિવિધ યોજનાઓનું ઈ-લોકાર્પણ
• મહીસાગરમાં “ કોલ સેન્ટર ”શરૂઆત તેમ જ વર્ચ્યુઅલ ભરતીમેળાનો ઇ-શુભારંભ
• રોજગારવાંચ્છુઓ કોઇપણ સ્થળેથી રોજગાર માહિતી મેળવી શકશે

લુણાવાડાઃ આ કાર્યક્રમ મહીસાગર જિલ્લામાં પણ મંગળવારે જિલ્લા સેવાસદન ખાતે જિલ્લા કલેકટર આર.બી.બારડની ઉપસ્થિતિમાં ઇ-લોકાર્પણ કાર્યક્રમ યોજાયો હતો. શ્રમ અને રોજગાર વિભાગની વિવિધ યોજનાઓનું ઈ-લોકાર્પણ તેમજ રોજગારવાંચ્છુ ઉમેદવારોને પર્યાપ્ત રોજગારીના અવસર મળી રહે તે માટે વર્ચ્યુઅલ/ઓનલાઇન ભરતીમેળાઓનું આયોજન માટે ઇ-શુભારંભ કાર્યક્રમ તેમજ રોજગારવાંચ્છુઓ કોઇપણ સ્થળેથી રોજગાર કચેરીઓનો ટેલીફોનીક સંપર્ક કરીને અભ્યાસલક્ષી તથા કારકિર્દીલક્ષી સચોટ અધતન માર્ગદર્શન મેળવી શકે તે હેતુસર રાજ્યના તમામ જિલ્લાની રોજગાર વિનીમય કચેરીઓ ખાતે “ કોલ સેન્ટર ”
શરૂઆત તેમજ વર્ચ્યુઅલ ભરતીમેળા પખવાડિયાનો ઇ-શુભારંભ મુખ્યપ્રધાન વિજય રૂપાણી દ્વારા આજરોજ કરવામાં આવ્યો હતો.

નોકરીદાતાઓ પણ રહ્યાં ઉપસ્થિત

જે અંતર્ગત મહીસાગર જિલ્લામાં પણ જિલ્લા સેવાસદન ખાતે જિલ્લા કલેકટર આર.બી.બારડ, જિલ્લા રોજગાર અધિકારી મુકેશભાઈ પ્રજાપતિ તેમજ નોકરીદાતા અને રોજગાર મેળવેલ લાભાર્થીઓ ઉપસ્થિતિમાં ઇ-લોકાર્પણ કાર્યક્રમ યોજાયો હતો. આ કાર્યક્રમ બાદ રોજગાર મેળવેલ ઉમેદવારોને જિલ્લા કલેકટર દ્વારા પ્રમાણપત્ર એનાયત કરવામાં આવ્યાં હતાં. આ સમયે નોકરી મેળવનાર લાભાર્થીઓ સરકારનો તેમજ જિલ્લા રોજગાર કચેરીનો આભાર વ્યક્ત કર્યો હતો.