ભારત અને પાકિસ્તાન વચ્ચેના 1971ના યુદ્ધ સમયે પાકિસ્તાનના બોમ્બ મારામાં ભૂજ એરપોર્ટની રન વે ને મોટું નુકશાન થયું હતું. આ સમયે રન વે તૈયાર ન થાય તો ભારતને યુદ્દમાં નુકશાન થઈ શકે તે સ્થિતીમાં કચ્છના ભુજ નજીકના માધાપર ગામની વિરાંગના મહિલાઓએ સાહસ કર્યુ હતું. મહિલાઓએ બે મહિનાનું કામ 6 દિવસમાં પૂર્ણ કરી રન વે તૈયાર કર્યો હતો. આ હકીકત અને સાહસને કચકડે કંડારવામાં આવી રહી છે. જેના શુટિંગ માટે ફિલ્મ કલાકારો કચ્છ પહોંચ્યા છે.
માંડવી તાલુકાના કાઠડા ગામના રસ્તે આવેલી એરસ્ટ્રીપ ખાતે દેશભક્તિ ફિલ્મ 'ભુજ ધ પ્રાઇડ ઓફ ઇન્ડિયા'નું શુટિંગ થશે. જેની તડામાર તૈયારીઓ થઈ રહી છે. ફિલ્મના શુટિંગ માટે 60થી 70 વ્યકિતઓનો કાફલો વ્યસ્ત બન્યો છે. 1971-72ના યુદ્ધમાં માધાપરની વિરાંગનાઓનો ઇતિહાસ દર્શાવતી કચ્છમાં આ ફિલ્મનું શુંટિગ 15થી 20 દિવસ સુધી ચાલશે.
જેમાં અન્ય સ્ટાર કલાકારો પણ જોડાશે. આ ફિલ્મના શૂટિંગ માટે વિમાન અને કિલ્લાનો સેટ તૈયાર કરવા કાફલો કામે લાગ્યો છે. આ ફિલ્મમાં અજય દેવગણ, સંજય દત્ત, સોનાક્ષી સિન્હા, પરિણીતી ચોપરા અને એમી વિર્ક સામેલ છે. કાઠડા નજીક આવેલા વિજયવિલાસ પેલેસ, માંડવી દરિયા કિનારે તેમજ આસપાસના વિસ્તારમાં લગાન , હમ દિલ દે ચૂકે સનમ, સહિતની સફળ ફિલ્મોનું પણ શૂટિંગ થયું છે. ફિલ્મ 14 ઓગસ્ટ, 2020ના રોજ રિલીઝ થશે.
