નડિયાદના ભાનુ ભરવાડ અને તેના પુત્ર સહિતના લોકોએ ઠાસરાના ધારાસભ્ય કાંતિભાઈ પરમાર પર ગત ઓગસ્ટ માસમાં જમીન વિવાદના મામલે હુમલો કરવામાં આવ્યો હતો. જેમાં ધારાસભ્ય ઈજાગ્રસ્ત થયા હતા. જે હુમલાની ઘટના બાદ હુમલાનો વીડિયો સામે આવ્યો હતો. તાજેતરમાં હુમલાના તે વીડિયો સાથે બેકગ્રાઉન્ડમાં, ‘આ તો ખાલી ટ્રેલર છે ફિલ્મ હજુ બાકી છે.’ તેવી ધમકી સાથે ટીકટોક અને સોશિયલ મીડિયામાં વીડિયો વાયરલ કરવામાં આવ્યો છે.
ધારાસભ્ય પરના હુમલાનો વિડીયો વાયરલ થતા એસપીને રજુઆત કરાઈ
આ ઘટનાને લઇ ઠાસરાના ધારાસભ્ય કાંતિભાઈ પરમાર અને મહુધાના ધારાસભ્ય ઇન્દ્રજીતસિંહ પરમારે નડિયાદ ખાતે પોલીસ અધિક્ષકની કચેરીએ જિલ્લા પોલીસ અધિક્ષકને મળી યોગ્ય કાર્યવાહી કરવા રજૂઆત કરી હતી. મહત્વનું છે કે, ગત ઓગસ્ટ માસમાં જમીન વિવાદના મામલે નડિયાદના ભાનુ ભરવાડ અને તેના પુત્ર સહિતના લોકોએ ધારાસભ્ય પર હુમલો કર્યો હતો. જે આરોપીઓ હાલ જેલ હવાલે છે.
