ખેડામાં આણંદ-ગોધરા રેલવે ટ્રેક પર ગુડ્સ ટ્રેનની અડફેટે બેના મોત

ખેડા: જિલ્લાના આગરવા ગામ પાસે આણંદ-ગોધરા રેલવે ટ્રેક પર ગુડ્સ ટ્રેનની અડફેટે આવતા બે વ્યક્તિના મોત નિપજ્યા હતા. એક જ ગામના બે વ્યક્તિના મોત થતા ગામમાં ગમગીની ફેલાઇ ગઇ હતી. આ ઘટનાને પગલે સ્થાનિક ધારાસભ્ય કાંતિભાઈ પરમાર સહિત રેલવે પોલીસ ઘટના સ્થળે પહોંચી હતી. તેમજ ઘટના સંદર્ભે પોલીસ દ્વારા કાર્યવાહી હાથ ધરાઈ હતી.

ખેડાના ડાકોર નજીક આવેલા આગરવા ગામ પાસેથી પસાર થતી આણંદ ગોધરા રેલવે ટ્રેક પર ગુડ્સ ટ્રેનની અડફેટે આવતા બે વ્યક્તિના મોત નિપજ્યા હતા. આ ઘટનાને લઇ મોટી સંખ્યામાં ગ્રામજનો એકત્ર થઇ ગયા હતા.

ગામના સરપંચ દ્વારા મૃતક યુવક અને યુવતીની ઓળખ કરતા બન્ને આગરવા પાસે આવેલા નવાપુરાના રહેવાસી હોવાનું જાણવા મળ્યું હતું. એક જ ગામના 2 વ્યક્તિના મોતને પગલે સમગ્ર ગામમાં શોકનું વાતાવરણ ફેલાયું હતું. આ ઘટનાને પગલે ઠાસરાના ધારાસભ્ય કાંતિભાઈ પરમાર તેમજ રેલવે પોલીસ ઘટના સ્થળે પહોંચી હતી. આ ઘટના સંદર્ભે રેલવે પોલીસ દ્વારા વધુ કાર્યવાહી હાથ ધરાઈ હતી.