ખેડા: મહેમદાવાદ તાલુકાના નવચેતન ગામે આવેલા સીમ વિસ્તારમાં ડોડીયા તળાવ પાસેના કમલેશભાઈ ડાભીના ખેતરમાં બાજરીના ઉભા પાકમાં કેટલાક ભરવાડ ઈસમોએ ગાયો ચરાવી હતી. આ મામલે કમલેશ ડાભીએ પાક બગાડવા બાબતે જણાવતા ભરવાડ ઈસમોએ જૂથબંધી કરી હુમલો કર્યો હતો. જેમાં કમલેશ ડાભી સહિત ત્રણ ઈસમો પર લાકડી વડે જીવલેણ હુમલો કરવામાં આવતા ત્રણેયને ઈજાઓ પહોંચી હતી.
ઇજાગ્રસ્તોને સારવાર માટે મહેમદાવાદ ખાતે હોસ્પિટલમાં ખસેડવામાં આવ્યા છે. ઘટના મામલે મહેમદાવાદ પોલીસ દ્વારા ચાર ઈસમો વિરૂદ્ધ ફરિયાદ નોંધી વધુ તપાસ હાથ ધરવામાં આવી છે.
