રાજસ્થાનના એક વેપારીને સસ્તા ભાવે ડોલર આપવાની લાલચ આપીને 5 લાખ રૂપિયા લઇને આરોપીઓ દ્વારા ઠાસરા તાલુકાના મંજીપુરા ગામમાં બોલાવવામાં આવ્યો હતો. ત્યારબાદ આરોપીઓએ વેપારીને લઇને મંદિર જતા રસ્તામાં નકલી પોલીસ બનીને આવેલા ગેંગના સાગરીતોએ વેપારીને દંડાથી માર મારીને 5 લાખ રૂપિયા ભરેલી બેગની લૂંટ કરી હતી.
આ મામલામાં ડાકોર પોલીસ સ્ટેશનમાં ગુનો નોંધવામાં આવ્યો હતો. જેમાં તપાસ દરમિયાન ખેડા LCB દ્વારા લૂંટ કરનાર ગેંગના મુખ્ય આરોપી વિકાસ તળપદાને ઝડપીને અન્ય આરોપીઓને પકડવા સહિતની વધુ કાર્યવાહી હાથ ધરવામાં આવી છે.
