આગામી 16 સપ્ટેમ્બર થી સમગ્ર રાજ્યમાં સુધારેલ મોટર વિહિકલ એક્ટના નવા નિયમો લાગુ થશે. જે પૈકીના એવા વાહનચાલકોને તેમના વાહનની PUC સર્ટિફિકેટ ફરજિયાત બનાવવામાં આવતા PUC સર્ટિફિકેટ સેન્ટરની બહાર વાહનચાલકોની લાંબી કતારો જોવા મળી રહી છે. નવા મોટર વ્હીકલ એક્ટની જોગવાઈ મુજબ આકરા દંડની જોગવાઈ કરવામાં આવી છે. વાહન ચાલકો તેમના વાહનોની PUC સર્ટિફિકેટ મેળવવા પરસેવો પાડી રહ્યા છે.
જૂનાગઢમાં PUC માટે લાગી વાહનચાલકોની લાંબી કતારો જે તે સમયે દેશમાં નોટ બંધીની જાહેરાત કરવામાં આવી હતી ત્યારે દેશની સમગ્ર બેંકો બહાર લાંબી લાંબી કતારો જોવા મળી રહી હતી, તેવી જ રીતે હવે નવા અને સુધારેલા મોટર વિહિકલ એક્ટની અમલવારી આગામી દિવસોમાં થવા જઈ રહી છે. સૂચિત નવી જોગવાઈઓ મુજબ દરેક વાહન ચાલકે તેમનું વાહન પ્રદૂષણ મુક્ત છે. તેવું પોલ્યુશન અંડર કંટ્રોલનું સર્ટિફિકેટ મેળવવુ ફરજીયાત છે. જેને લઇને જૂનાગઢના PUC સેન્ટર ઉપર વહેલી સવારથી જ હજારોની સંખ્યામાં વાહનચાલકો કતારબંધ જોવા મળી રહ્યા છે. PUC સેન્ટર બહાર લાગેલી લાંબી લાંબી કતારો નોટ બંધીની વસમી અને બિહામણી યાદ તાજી કરાવી રહી છે. જેને લઈને વાહનચાલકોમાં પણ હવે કચવાટ જોવા મળી રહ્યો છે.
