કેશોદ તાલુકાના ખમીદાણા ઈસરા ગામની વચ્ચે આવેલા રાજુભાઈ બારીયાના ખેતરના સેઢા ઉપર કોઈ સ્પેર પાર્ટ કાઢીને બાઈકની ચેસિસ ફેંકી જતા અનેક તર્ક વિતર્કો થઈ રહ્યા છે. આ બાબતે કેશોદ પોલીસને જાણ કરવામાં આવી છે. આ બાઈક હોન્ડા કંપનીનું હોવાનુ જાણવા મળી રહ્યું છે.
કેશોદમાં બાઇકનુ ખોખુ ફેકી જતા અનેક તર્ક વિતર્ક થઇ રહ્યા છે.
પ્રાપ્ત વિગત મુજબ બાઈકમાંથી ટાયર વ્હીલ, નંબર પ્લેટ સહીતની એસેસરીઝ કાઢી ખાલી ચેસિસ ફેંકી જતા રાહદારીઓને આશ્ચર્ય થયું હતું કે, આ અહિં કેમ ફેંકવામાં આવ્યુ હશે? કયા કારણોસર ફેકવામાં આવ્યું હશે? જેવા અનેક રહસ્ય અકબંધ છે. જોકે નંબર પ્લેટ ન હોવાથી બાઈકના ચેસિસ નંબર અને એન્જીન નંબર પરથી પોલીસ તપાસ પુર્ણ થયા બાદ જાણવા મળશે કે, બાઈક માલિક કોણ છે? આવી આશ્ચર્યજનક ઘટનાનું રહસ્ય શું છે?
