કેશોદ માર્કેટ યાર્ડમાં મગફળીનો જથ્થો બહાર રખાતા વિવાદ

જુનાગઢ: કેશોદ માર્કેટ યાર્ડ ખાતે ટેકાના ભાવે મગફળીની ખરીદી કરવામાં આવી હતી. આ મગફળીનો જથ્થો બહાર રખાતા વિવાદ ઉભો થયો હતો. માર્કેટિંગ યાર્ડમાં લોલમલોલ ચાલી રહેલી જોવા મળી હતી. તેમજ ખેડૂતોની ટેકાના ભાવે ખરીદાયેલી મગફળી ખુલ્લા મેદાનમાં રાખેલી જોવા મળી હતી. આ અધિકારીઓ સરકારી નિયમોનું સરેઆમ ઉલ્લંઘન કરતા જોવા મળ્યા હતાં.

કેશોદ માર્કેટિંગ યાર્ડમાં ટેકાના ભાવે ખરીદાયેલી મગફળી ખુલ્લા મેદાનમાં રખાતી હોવાનું બહાર આવ્યું હતું. સરકારી નિયમ મુજબ દરરોજ સાંજે ગોડાઉનમાં મગફળી પહોંચાડવાની હોય છે, પરતું આ મગફળી યાર્ડમાંથી સાંજે ગોડાઉનમાં મોકલાતી નથી.

ખેડૂત હિત રક્ષક સમિતિ દ્વારા બીજો મગફળી કાંડ થવાની દહેશત ઉભી થઇ હતી. આ અગાઉ પણ કેશોદ યાર્ડમાં તુવેરકાંડ થઇ ચૂક્યો છે. ત્યારે માર્કેટિંગ યાર્ડમાં અધિકારીઓ સરકારી નિયમોનું સરેઆમ ઉલ્લંઘન કરતા નજરે પડ્યા હતાં.