સાબરકાંઠાને મળ્યા નવા જિલ્લા કોંગ્રેસ પ્રમુખ, જાણો કોને મળ્યું પ્રમુખ પદ?

કેન્દ્રીય કોંગ્રેસ કમિટી દ્વારા રવિવારે સાબરકાંઠા તેમજ જામનગર જિલ્લા કોંગ્રેસ પ્રમુખ તરીકે બદલાવ કર્યો છે. જેમાં સાબરકાંઠા જિલ્લા કોંગ્રેસ પ્રમુખ તરીકે કમલેશભાઈ પટેલ જિલ્લા કોંગ્રેસ પ્રમુખ તરીકે નિમણૂક કરવામાં આવી છે. જ્યારે જામનગર શહેર કોંગ્રેસ પ્રમુખ તરીકે વિરેન્દ્રસિંહ(દિગુભા) જાડેજાની વરણી કરવામાં આવી છે. જેના પગલે સ્થાનિક રાજકારણમાં ગરમાવો આવ્યો છે.

• સ્થાનિક સ્વરાજની ચૂંટણી પહેલા સાબરકાંઠા જિલ્લા કોંગ્રેસ પ્રમુખ અને જામનગર શહેર કોંગ્રેસ પ્રમુખમાં બદલાવ
• અચાનક કોંગ્રેસના માળખામાં બદલાવથી સ્થાનિક રાજકારણમાં ગરમાવો
• વિધાનસભાના ઉમેદવારને સાબરકાંઠા જિલ્લા કોંગ્રેસ પ્રમુખની જવાબદારી સોંપાઇ

સાબરકાંઠા : સ્થાનિક સ્વરાજની ચૂંટણી નજીક આવી રહી છે. ત્યારે સાબરકાંઠા જિલ્લાના કોંગ્રેસ પ્રમુખની જવાબદારી વિધાનસભાના ઉમેદવાર કમલેશ પટેલની આપવામાં આવી છે. રવિવારે કેન્દ્રીય કોંગ્રેસ કમિટી દ્વારા આ મામલે પત્ર જાહેર કરી જામનગર શહેર તેમજ સાબરકાંઠા અને જામનગર જિલ્લા પ્રમુખ તરીકે બદલાવ કરવામાં આવ્યો છે. જોકે, ચૂંટણી નજીક આવી રહી છે. ત્યારે રવિવારે થયેલા બદલાવને પગલે રાજકારણમાં ગરમાવો વ્યાપ્યો છે.

સ્થાનિક સ્વરાજ્યની ચૂંટણી પહેલા બદલાવ

ગુજરાતમાં સ્થાનિક સ્વરાજની ચૂંટણીઓ ટૂંક સમયમાં જાહેર થાય તેવી શક્યતાઓ છે. ત્યારે રવિવારે કેન્દ્રીય કોંગ્રેસ કમિટી દ્વારા પત્ર જાહેર કરી જામનગર શહેર તેમજ સાબરકાંઠા અને જામનગર જિલ્લાના પ્રમુખની જવાબદારીમાં બદલાવ કર્યો છે. આ અંતર્ગત ગત વિધાનસભા કોંગ્રેસના ઉમેદવાર કમલેશભાઈ પટેલને સાબરકાંઠા જિલ્લા કોંગ્રેસ પ્રમુખ બનાવવામાં આવ્યા છે. તેમજ હાલમાં જિલ્લા કોંગ્રેસ તરીકે ફરજ બજાવી રહેલા મણીભાઈ પટેલને જવાબદારીમાંથી મુક્ત કરવામાં આવ્યા છે.

બદલાવથી સ્થાનિક રાજકારણમાં ગરમાવો

સામાન્ય રીતે કોઈપણ પદમાં બદલાવ થાય ત્યારે રાજકારણમાં ગરમાવો આવતો હોય છે. તે જ પ્રકારે રવિવારે અચાનક દિલ્હી કોંગ્રેસની કમિટી દ્વારા ધાર્યા કરતા અલગ નામ જાહેર કરવામાં આવતા જિલ્લા કોંગ્રેસમાં પણ રાજકીય ગરમાવો વ્યાપ્યો છે. ગત વિધાનસભાથી મણીભાઈ પટેલ સાબરકાંઠા જિલ્લા કોંગ્રેસ પ્રમુખ તરીકે હતા. જોકે, રવિવારે દિલ્હીની કોંગ્રેસ કમિટી દ્વારા બદલાવ કરી ગત વિધાનસભાના ઉમેદવારને જિલ્લા કોંગ્રેસ પ્રમુખ બનાવવામાં આવ્યા છે. જોકે અચાનક બદલાવને પગલે સાબરકાંઠા જિલ્લાના રાજકારણમાં પુનઃ ગરમાવો વ્યાપ્યો છે.

કોંગ્રેસ માટે 'કરો યા મરો'ની પરિસ્થિતિ

સામાન્ય રીતે સ્થાનિક સ્વરાજ્યની ચૂંટણીમાં કોંગ્રેસ દ્વારા આ વર્ષે કરો યા મરોની રીત અપનાવી મોટાભાગની બેઠકો કબ્જે કરવા છેલ્લા કેટલાક સમયથી કવાયત હાથ ધરી છે. ત્યારે આગામી સમયમાં કોંગ્રેસ દ્વારા જન જાગૃતિના કાર્યક્રમોનો પ્રયાસ પણ અસર કરે તો નવાઈ નહી. જોકે, રવિવારે જિલ્લા કોંગ્રેસ ઇઝ કોંગ્રેસના બદલાવો આગામી સમયમાં સ્થાનિક કક્ષાએ યોજાવાની ચૂંટણીમાં કેટલા સફળ બની રહેશે એ તો આગામી સમય જ બતાવશે.